Dhanush : తమిళ సూపర్‌ స్టార్‌ రజనీకాంత్‌ కూతురు ఐశ్వర్య, అప్పుడప్పుడే సినిమాల్లో తనకంటూ గుర్తింపు తెచ్చుకుంటున్న ధనుష్ పెళ్లి అప్పట్లో ఎంత సంచ‌ల‌నం సృష్టించిన విష‌యం తెల‌సిందే. అయితే 18 ఏళ్ల తమ బంధానికి ఫుల్‌స్టాప్‌ పెడుతూ విడాకులు తీసుకుంటున్నట్లు ఈ జంట ప్రకటించడం అంద‌రికి షాకింగ్ అనిపించింది. 18 ఏళ్లపాటు ఒకరికొకరం స్నేహితులుగా, జంటగా, తల్లిదండ్రులుగా, శ్రేయోభిలాషులుగా కలిసి ఉన్నాం. ఈ ప్రయాణంలో ఒకరినొకరం అర్థం చేసుకున్నాం. కలిసి ఎదిగాం. అయితే ఇప్పుడు ఇద్దరి దారులు వేరయ్యే సమయం వచ్చింది. నేను, ఐశ్వర్య విడిపోవాలని నిర్ణయించుకున్నాం” అని ధనుష్ ఒక స్టేట్‌మెంట్ రిలీజ్ చేశాడు.
ఎంతో అన్యోన్యంగా ఉన్న ఈ జంట ఇలా విడిపోవ‌డం ప్ర‌తి ఒక్క‌రిని ఆశ్చ‌ర్య‌ప‌రిచింది.వీరిద్ద‌రు క‌లిస్తే బాగుండు అని అంద‌రు అనుకున్నారు. అయితే డైవర్స్ ని రద్దు చేసుకుని మళ్లీ కలిసి ఉండాలని నిర్ణయించుకున్నట్టు గత అక్టోబర్‌లో వార్తలొచ్చాయి. రజనీకాంత్‌ .. ఇద్దరి మధ్య రాజీ కుదుర్చారని, దీంతో అంతా సెట్‌ అయ్యిందని అన్నారు. అయితే తాజా స‌మాచారం ప్ర‌కారం చెన్నైలోని సిటీ సివిల్‌ కోర్ట్ కి ఈ ఇద్దరు విడాకుల కోసం అప్లికేషన్‌ పెట్టుకున్నారట. ధనుష్ మరో అమ్మాయి కోసం ఐశ్వర్య రజనీకాంత్‌ తో విడిపోవాలనుకుంటున్నట్టు తెలుస్తుంది.
అయితే ఈ విషయాన్ని ఒవర్సీస్‌ క్రిటిక్‌ ఉమైర్‌ సంధు ట్వీట్‌ చేయడం గమనార్హం. ధనుష్ వేరే అమ్మాయి కోసం ఐశ్వర్య ని చీట్ చేశాడని ..ఈ జంట మరోసారి విడాకుల కోసం కోర్టు మెట్లు ఎక్కారని ఆయన ట్విట్ చేశారు . ఈ క్రమంలోనే మరోసారి ధనుష్- ఐశ్వర్య పేర్లు మారుమ్రోగిపోతున్నాయి. అయితే ఉమైర్‌ సంధు తన పాపులారిటీ కోసం కొద్ది రోజులుగా ఇలాంటి కాంట్రవర్సియల్‌ కామెంట్లు చేస్తున్నాడనే కామెంట్లు వినిపిస్తున్నాయి. సదరు హీరోహీరోయిన్ల అభిమానులు ఆయన్ని ఏకి పడేస్తున్నారు. బూతులు తిడుతూ ఆయన్ని తిట్టిపోస్తున్నారు.
