Anasuya : యాంకర్ అనసూయ గురించి ప్రత్యేకంగా పరిచయాలు అక్క‌ర్లేదు . తన అందచందాలతో పాటు చురుకైన మాటలతో కొన్ని సంవత్సరాలుగా తెలుగు వారిని అలరిస్తూ వ‌స్తున్న అనసూయ సోష‌ల్ మీడియాలో యాక్టివ్‌గా ఉంటూ తన అందాల‌తో మ‌త్తెక్కించే ప్ర‌య‌త్నం చేస్తూ ఉంటుంది. ఈ అందాల యాంకర్ టీవీ రంగానికి గుడ్ బై చెప్పి ఇక సినిమాలు, వెబ్ సిరీస్‌లకు ప్రాధాన్యం ఇస్తూ వ‌స్తుంది.. అందులో భాగంగానే తాజాగా ఓ వెబ్ సిరీస్‌లో బోల్డ్ పాత్రను చేసేందుకు ఒప్పుకున్నారని తెలుస్తోంది. ‘జబర్దస్త్’కి దూరమైన తర్వాత అనసూయ వరుసగా సినిమాలను, వెబ్ సిరీస్‌లను ఒప్పుకుంటున్నారట.
‘కన్యాశుల్కం’ అనే వెబ్ సిరీస్‌లో అనసూయ నటించనున్నారని తెలుస్తోంది. ఈ వెబ్ సిరీస్ గురజాడ అప్పారావు క్లాసిక్ నాటకం ‘కన్యాశుల్కం’ ఆధారంగా వస్తోందని సమాచారం. మధురవాణి అనే వేశ్య క్యారెక్టర్‌లో కనిపించనుందని తాజా టాక్. ఈ సిరీస్ మొత్తం అనసూయ క్యారెక్టర్ చుట్టూ తిరుగుతుందట. ఈ వెబ్ సిరీస్‌ను ప్రముఖ దర్శకుడు క్రిష్ నిర్మిస్తున్నారు. అయితే ఇటీవలి కాలంలో ఆమె తీసుకున్న నిర్ణయాల వల్ల ఆమెకు భారీ నష్టం వాటిల్లుతోంది. జబర్దస్త్ నుండి తప్పుకున్నప్పటి నుంచి అనసూయ క్యారెక్టర్ ఆర్టిస్ట్‌గా సినిమాలపైనే దృష్టి పెట్టాలనుకుంది. టాలీవుడ్‌లో బిజీయెస్ట్ ఆర్టిస్ట్ అవుతుందని ఆమె భావించినప్పటికీ, ఏదో తేడా కొట్టింది.
రంగ‌స్థ‌లం, పుష్ప రెండు చిత్రాలు సూపర్ సక్సెస్ తర్వాత, ఆమె చేతికి కొన్ని ఆఫ‌ర్స్ వచ్చాయి. అవ‌న్నీ బోల్తా కొట్టాయి. ఖిలాడీ వంటి చిత్రాలలో ఆమె చేసిన పాత్ర అంద‌రికి న‌వ్వు తెప్పించింది. థాంక్యూ బ్రదర్ వంటి కాన్సెప్ట్ సినిమాలు ఆమెకు అనుకూలంగా పని చేయలేదు. మరి కొన్ని పెద్ద సినిమాల్లోని చిన్న పాత్రలు ఆమెకు అనుకూలంగా లేవు. అనసూయ ప్రస్తుతం టీవీ షోలు చేయడం లేదు. ఇక సినిమా విష‌యానికి వ‌స్తే ఆమె చేతిలో పుష్ప 2 తప్ప పెద్ద సినిమాలు లేవు. ఇంకో రెండు సినిమాలలో తన స‌త్తా చూపిస్తేనే అనసూయ మ‌ళ్లీ గాడిలో ప‌డుతుంది. టీవీ ఇండ‌స్ట్రీని విడిచిపెట్టడం వల్ల ఆమె చాలా నష్టపోయింద‌ని నెటిజ‌న్స్ చెప్పుకొస్తున్నారు.
