Sudigali Sudheer : విదేశాలలో మొదలైన బిగ్ బాస్ షో ఇప్పుడు తెలుగులోనూ తెగ సందడి చేస్తుంది. ఐదు సీజన్స్ సక్సెస్ ఫుల్గా పూర్తి చేసుకున్న ఈ షో ప్రస్తుతం ఆరో సీజన్ జరుపుకుంటుంది. రోజురోజుకీ ఆరో సీజన్ కూడా రసవత్తరంగా సాగుతుంది. హౌజ్లో ఉండేది ఎవరు.. వెళ్లేది ఎవరు.. అస్సలు అర్ధం కావడం లేదు. ఇక హౌజ్లో సందడి కూడా బాగానే ఉంది. లేటెస్ట్ ఎపిసోడ్లో ఫైమా చేసిన సరదా సన్నివేశం అందరికీ నవ్వు తెప్పించింది.
కొందరు హౌస్ మేట్స్ కూర్చుని సరదాగా మాట్లాడుకుంటుండగా.. రాజ్ పై ఫైమా చేసిన కామెంట్స్ నవ్వులు పూయించాయి. అందరి ముందు నా మీద చేయి చేస్తావా.. అసలు నువ్వు చేసిన పనికి నన్ను ఎవరు పెళ్లి చేసుకుంటారు ? నా నడుము ఇలా గిల్లాడంటూ శ్రీసత్యతో చేసి మరీ చూపించి గోల చేసింది ఫైమా. పక్కనే ఉన్న వారుకూడా ఫైమా కి సపోర్ట్ చేశారు. ఇదంతా చాలా సరదాగా జరగగా అందరూ దానిని బాగానే ఎంజాయ్ చేశారు. అయితే ఈ షో సందడి సందడిగానే సాగుతుండగా ఈ షోలోకి ఇప్పుడు వైల్డ్ కార్డ్ ఎంట్రీ ఉంటుందనే ప్రచారం నడుస్తుంది. ఆ వైల్డ్ కార్డ్ ఎంట్రీ ఇచ్చే కంటెస్టెంట్ అల్లాటప్పా పర్సన్ కాదు. బుల్లితెరపై ఫుల్ క్రేజ్ దక్కించుకున్న సుడిగాలి సుధీర్.
![Sudigali Sudheer : బిగ్బాస్లోకి సుధీర్ వైల్డ్ కార్డ్ ఎంట్రీ..? రేటింగ్స్ పెరిగేనా..? Sudigali Sudheer enter into bigg boss](https://i0.wp.com/telugunews365.com/wp-content/uploads/2022/10/sudigali-sudheer-1.jpg?resize=1200%2C675&ssl=1)
ప్రస్తుతం సుడిగాలి సుధీర్ క్వారెంటైన్ లో ఉన్నాడట. సోమవారం ఎపిసోడ్ లేదా మంగళవారం ఎపిసోడ్ లో ఆయన హౌజ్లోకి అడుగుపెట్టడం ఖాయం అంటున్నారు. మరి ఇందులో నిజమెంత ఉందనేది తెలియాల్సి ఉంది. ఒకవేళ సుధీర్ కనుక హౌజ్లో నిజంగానే అడుగుపెడితే గేమ్ వేరే లెవల్కి వెళ్లడం ఖాయం అని అంటున్నారు. మరోవైపు సుధీర్ అనారోగ్యంతో బాధపడుతున్నట్టు వార్తలు వినిపిస్తుండగా, ఆయన అభిమానులు తెగ ఆందోళన చెందుతున్నారు.