Venkatesh : ఆ ఒక్క త‌ప్పు వ‌ల్లనే వెంక‌టేష్ టాప్ వన్‌లో నిల‌వ‌లేక‌పోయారా..!

Venkatesh : విక్ట‌రీ వెంక‌టేష్‌.. ఈ పేరు గురించి ప్ర‌త్యేకంగా చెప్ప‌న‌క్క‌ర్లేదు. ఫ్యామిలీ హీరోగా కెరీర్ లో సగం సినిమాలు చేసినా ఎవ్వరికి బోర్ కొట్టలేదు పైగా అందరికి ఫ్యామిలీ హీరోగా మరింత నచ్చేశాడు. టాలీవుడ్ లో అందరి హీరోల అభిమానులు అభిమానించే హీరోల్లో వెంకటేష్ ఒకరు. కెరీర్ మొదట్లో మాస్ పాత్రలు చేసినా ఆ తర్వాత ప్రేమ కథా చిత్రాల్లోకి వ‌చ్చి అల‌రించాడు. ‘ప్రేమ’ సినిమాతో మొదలుపెట్టి ఆ తర్వాత ఎన్నో ప్రేమ కథలతో మెప్పించాడు వెంకటేష్. ఇక తెరపై అమాయక హీరో పాత్రలో కనిపించాలంటే వెంకటేష్ తర్వాతే. రాజా, చంటి లాంటి సినిమాల్లో సీన్స్ తో ప్రేక్షకులను కంటతడి పెట్టించాడు. ప్రేమించుకుందాం రా, ప్రేమంటే ఇదేరా, కలిసుందాంరా, నువ్వు నాకు నచ్చవు.. లాంటి యూత్ ఫుల్ లవ్ స్టోరీలతో మెప్పిస్తునే పవిత్రబంధం, సుందరకాండ, ఆడవారి మాటలకు అర్దాలే వేరులే లాంటి ఎమోషనల్ సినిమాలతో మెప్పించాడు.

మరో వైపు బొబ్బిలిరాజా, గణేష్, కొండపల్లి రాజా, తులసి, లక్ష్మి.. లాంటి మాస్ సినిమాలతో ప్రేక్షకులని మెప్పించారు. మధ్యమధ్యలో ఈనాడు, దృశ్యం.. లాంటి ప్రయోగాత్మక చిత్రాలు కూడా చేశారు. వెంకటేష్ సినిమాలు చాలా వరకు హిట్లయ్యాయి. వెంకటేష్ సినిమాలు ఎలాంటి వ‌ల్గారిటీ ఉండ‌దు కాబ‌ట్టి, అవి ఫ్యామిలీ ఆడియన్స్‌ని ఎంత‌గానో ఆక‌ట్టుకుంటాయి. అయితే వెంక‌టేష్ టాప్ హీరోల‌లో ఒక‌రిగా మిగిలారే త‌ప్ప నెంబ‌ర్ వ‌న్ హీరోగా ఎద‌గ‌లేక‌పోయారు. అందుకు కార‌ణం కూడా ఉంది. వెంకటేష్ సినిమాలన్నీ కూడా డ్రామా ని బేస్ చేసుకుని ఉంటాయి కాబట్టి అవి ఎక్కువ‌గా ఫ్యామిలీ ఆడియ‌న్స్ మెచ్చేలా ఉంటాయి.

వెంకీ చేసే ఇలాంటి సినిమాల‌కి యూత్‌లో పెద్ద‌గా క్రేజ్ ఉండ‌దు. ఏదో ఒక్క‌సారి చూస్తారే త‌ప్ప మ‌ళ్లీ మ‌ళ్లీ చూడ‌రు. మాస్ సినిమాలు కానీ యాక్షన్ సినిమాలు ని కానీ యూత్ ఆడియన్స్ ఎక్కువగా చూస్తారు కాబ‌ట్టి ఫ్యాన్ బేస్ ఎక్కువ‌గా ఉంటుంది. అయితే వెంక‌టేష్ అలాంటి ప్ర‌య‌త్నం చేయ‌క‌పోవ‌డంతో ఆయ‌న కాస్త వెన‌క‌ప‌డ్డార‌ని చెప్ప‌వ‌చ్చు. చిరంజీవి మెగాస్టార్ అయినప్పటికీ డాడీ వంటి సినిమా చేస్తే ప్రేక్ష‌కులు ఆద‌రించ‌లేదు. అదే వెంక‌టేష్ చేసి ఉంటే మంచి హిట్ అయి ఉండేది. ఇప్పటికీ వెంక‌టేష్ ఫ్యామిలీ మెచ్చే చిత్రాలే చేస్తూ ప్రేక్ష‌కుల‌ని అల‌రిస్తున్నాడు.