Rohit Sharma : వరల్డ్ కప్ మహా సంగ్రామం మొదలైంది. వన్డే వరల్డ్ కప్ 2023 కోసం 10 జట్లు పోటీ పడుతున్నాయి. వీటిలో కొన్ని టీమ్స్ హాట్ ఫేవరేట్లుగా ఉన్నాయి. టీమిండియా, ఆస్ట్రేలియా, ఇంగ్లండ్తో పాటు పాకిస్థాన్ సైతం వరల్డ్ కప్ రేసులో ముందు ఉందని చాలా మంది క్రికెట్ ఎక్స్పర్ట్స్, మాజీ క్రికెటర్లు సైతం అభిప్రాయపడుతున్నారు.. అయితే.. పాకిస్థాన్ టీమ్ చాలా కాలంగా ఇండియాకు రాలేదు. రెండు దేశాల మధ్య ద్వైపాక్షిక సిరీస్లు జరగడం లేదనే విషయం తెలిసిందే. కేవలం ఐసీసీ ఈవెంట్స్లోనే ఈ రెండు జట్లు పోటీ పడుతున్నాయి. అయితే.. ఈ సారి వరల్డ్ కప్కు భారత్ ఆతిథ్యం ఇస్తుండటంతో.. పాకిస్థాన్ జట్టు సైతం భారత గడ్డపై అడుగుపెట్టింది.
45 రోజులపాటు క్రికెట్ ప్రేమికులను ప్రపంచకప్ అలరించనుంది. ప్రతిరోజూ ఉత్కంఠభరితమైన మ్యాచ్లతో అభిమానులను ఆనందంలో మంచెత్తనుంది. అయితే ప్రపంచకప్ ప్రారంభానికి ఒక రోజు అహ్మదాబాద్లో 10 జట్ల కెప్టెన్లు కలుసుకున్నారు. కెప్టెన్స్ డే కార్యక్రమంలో అన్ని జట్ల కెప్టెన్లు పాల్గొన్నారు. ఈ కార్యక్రమంలో భాగంగా టీమిండియా కెప్టెన్ రోహిత్ శర్మ, పాకిస్థాన్ కెప్టెన్ బాబర్ అజామ్ సైతం కలుసుకున్నారు. ఒకరినొకరు కలుసుకుని అప్యాయంగా పలకరించుకోగా, ఈ కార్యక్రమంలో కెప్టెన్లందరూ కలిసి ఫోటోలకు ఫోజులిచ్చారు. అలాగే ప్రపంచకప్ను ఉద్దేశించి మాట్లాడారు.
![Rohit Sharma : మ్యాచ్కి ముందే కలిసిన రోహిత్, బాబర్.. ఎంత ఆప్యాయంగా పలకరించుకున్నారు..! Rohit Sharma and babar azam met during match](https://i0.wp.com/telugunews365.com/wp-content/uploads/2023/10/rohit-sharma-and-babar-azam.jpg?resize=1200%2C675&ssl=1)
అంతకుముందు అహ్మదాబాద్ చేరుకున్న అన్ని జట్ల కెప్టెన్లకు ఘనస్వాగతం లభించింది. ఇక టోర్నీలో అత్యంత ఆసక్తికరమైన భారత్, పాకిస్థాన్ మ్యాచ్ ఈ నెల 14న జరగనుంది. అహ్మదాబాద్లోని నరేంద్ర మోదీ స్టేడియంలో ఈ మ్యాచ్ జరగనుంది. ఒక్క టీమిండియా తప్ప అన్ని జట్లు వార్మప్ మ్యాచ్లు ఆడాయి. భారత్ ఆడాల్సిన రెండు మ్యాచ్లు వర్షం కారణంగా రద్దయ్యాయి. దీంతో ఎలాంటి ప్రాక్టీస్ లేకుండానే రోహిత్ సేన వరల్డ్ కప్కు వెళ్తోంది. కెప్టెన్స్ రౌండ్ టేబుల్ ఈవెంట్ ఆద్యంతం ఆసక్తిగా సాగింది. అయితే ఈ ఈవెంట్లో పలు ఆసక్తికరమైన విషయాలు చెప్పుకొచ్చిన టీమిండియా కెప్టెన్ రోహిత్ శర్మ.. ఒక జోక్ కూడా వేసి అందర్నీ నవ్వించాడు. ఈ కార్యక్రమానికి వచ్చిన జర్నలిస్టుల్లో ఒకరు హిట్మ్యాన్ను ఓ ప్రశ్న అడిగారు.
గత వరల్డ్ కప్ ఫైనల్లో న్యూజిలాండ్-ఇంగ్లండ్ మ్యాచ్ టై అయింది. సూపర్ ఓవర్ కూడా టై అయింది. దీంతో బౌండరీల కౌంట్ ద్వారా ఇంగ్లీష్ టీమ్ను విజేతగా నిర్ణయించారు. ఇదే విషయాన్ని రోహిత్కు గుర్తుచేసిన ఆ జర్నలిస్ట్.. ఇంగ్లండ్తో పాటు న్యూజిలాండ్ను కూడా కలిపి సంయుక్తంగా విన్నర్గా ప్రకటిస్తే బాగుండేదన్నారు.ఇదే విషయంపై మీ అభిప్రాయం ఏంటని రోహిత్ను అడిగారు జర్నలిస్ట్. దీంతో ఇది తనకు వేయాల్సిన ప్రశ్నేనా అంటూ నవ్వాడు రోహిత్. విజేత ఎవరో నిర్ణయించడం, ప్రకటించడం తన చేతుల్లో లేని పని అని అంటూ ఫన్నీగా రిప్లయ్ ఇచ్చాడు.