Kumar Sangakkara : ప్రస్తుతం వన్డే వ‌ర‌ల్డ్ క‌ప్ 2023 చాలా ఆస‌క్తిక‌రంగా సాగుతున్న విష‌యం తెలిసిందే. ఈ టోర్నీలో ఎవ‌రు ఫైన‌ల్‌కి చేరుకుంటారో, ఎవ‌రు టోర్నీ వైదొలుగుతార‌నేది ఆస‌క్తిక‌రంగా మారింది. రీసెంట్‌గా జరిగిన మ్యాచ్‌లో శ్రీలంకపై గ్రాండ్ విక్టరీ సాధించింది భార‌త్. ముంబయిలోని వాంఖడే స్టేడియం వేదికగా జరిగిన మ్యాచ్‌లో శ్రీలంకపై టీమిండియా గ్రాండ్ విక్టరీ కొట్టడం.. పాకిస్థాన్ ఫ్యాన్స్‌కు ఫుల్ ఖుషీని అందిస్తోంది. శ్రీలంకను చిత్తుగా ఓడించి టీమిండియా సెమీస్ చేరితే .. పాకిస్తాన్ అభిమానులు సంబరాలు చేసుకుంటున్నారు. వినడానికి కాస్త విడ్డూరంగా ఉన్న ఇది నిజం. ఎందుకంటే టీమిండియా విజయం.. పాకిస్థాన్ జట్టుకు అవసరం కనుక. అందుకే భారత బౌలర్లు లంకను 55 పరుగులకే కుప్పకూల్చడం దాయాది ఫ్యాన్స్‌కు ఫుల్ ఖుషీని అందిస్తోంది.
తాజాగా జరిగిన మ్యాచ్‌లో శ్రీలంక‌ని భార‌త్ చిత్తు చేసింది. 302 పరుగుల తేడాతో శ్రీలంకను ఓడించింది. ఈ విజయంతో 14 పాయింట్లు సాధించిన ఇండియా పాయింట్ల పట్టికలో టాపర్‌గా నిలిచింది. అలాగే సెమీఫైనల్ చేరిన తొలిజట్టుగా నిలిచింది. అయితే 302 పరుగుల తేడాతో ఓడిపోయిన లంక సెమీస్ రేసు నుంచి నిష్క్రమించి ఉంటుందని క్రికెట్ ఫ్యాన్స్ అందరూ భావించారు. కానీ సాంకేతికంగా లంక ఇంకా సెమీస్ రేసులో మిగిలే ఉంది. కానీ అద్భుతాలు జరిగితే తప్ప లంకేయులు ముందడుగు వేయడం కష్టం.ఈ విజయం తర్వాత శ్రీలంక సెమీస్‌కి రావ‌డం క‌ష్టంగానే మారింది.
అయితే భార‌త్ విజయం సాధించిన తర్వాత శ్రీలంక మాజీ కెప్టెన్ కుమార సంగ‌క్క‌ర ఆస‌క్తిర కామెంట్స్ చేశారు. భారత బౌల‌ర్స్ అద్బుత‌మైన ప్ర‌ద‌ర్శ‌న క‌న‌బ‌రిచార‌ని, వారి అద్భుత ప్ర‌ద‌ర్శ‌న వ‌ల‌న భార‌త్ సులువుగా గెలిచింద‌ని అన్నారు. ప్రస్తుతం కుమార సంగ‌క్క‌ర చేసిన కామెంట్స్ నెట్టింట వైర‌ల్‌గా మారుత‌న్నాయి. పాయింట్లపట్టికలో ప్రస్తుతం మూడో స్థానంలో ఉన్న ఆస్ట్రేలియా.. మిగతా మ్యాచ్‌లలో ఇంగ్లండ్, బంగ్లాదేశ్, అఫ్ఘానిస్థాన్‌లతో తలపడాల్సి ఉంది. ప్రస్తుతం కంగారూలు ఉన్న ఫామ్ ప్రకారం బంగ్లాదేశ్, అఫ్ఘానిస్థాన్‌లపై సులువుగా గెలిచే అవకాశం ఉంది. దీంతో 12 పాయింట్లతో ఆసీస్ కూడా సెమీస్ బెర్తు దక్కించుకుంటుంది. ఇక మిగిలిన ఒక బెర్తు కోసం న్యూజిలాండ్, పాకిస్థాన్ పోటీపడుతున్నాయి.
