Venu Swamy : ప్రముఖ జ్యోతిష్య శాస్త్రలుగా ఎంతో మంచి గుర్తింపు తెచ్చుకున్న వేణు స్వామి ఇటీవ‌లి కాలంలో సినిమా, రాజకీయ నాయ‌కులు జాతకాలు చెబుతూ తెగ పాపులర్ అయ్యారు. స‌మంత- నాగ చైత‌న్య విడిపోతార‌ని ఎప్పుడైతే చెప్పాడో అప్ప‌టి నుండి ఆయన అంద‌రి అటెన్ష‌న్ త‌న వైపుకి తిప్పుకున్నాడు. వేణు స్వామి చెప్పే మాటలన్నీ కూడా నిజం కావడంతో ఈయన చెప్పే మాటలను నమ్మే వారి సంఖ్య రోజు రోజుకి పెరుగుతూ పోతుంది. గతంలో వేణు స్వామి ప‌లువురు సినీ సెలబ్రిటీల గురించి అలాగే రాజకీయ నాయకుల గురించి చెప్పిన మాటలు అక్షరాల నిజం కావడంతో ఆయ‌న‌పై మరింత న‌మ్మ‌కం పెరిగింది. ఇక ఇదిలా ఉంటే వేణు స్వామి గతంలో చంద్రబాబు నాయుడు గురించి చెప్పినటువంటి మాటలు ప్రస్తుతం సోషల్ మీడియాలో వైరల్ అవుతున్నాయి.
చంద్రబాబు అరెస్ట్‌ నేపథ్యంలో ప్రముఖ ఆస్ట్రాలజర్‌ వేణు స్వామి జోస్యానికి సంబంధించిన పాత వీడియో వైరల్‌గా మారింది. చంద్రబాబు అరెస్ట్‌ అవుతారని ఆయన మూడేళ్ల క్రితం చెప్పారు. ప్రస్తుతం ఇందుకు సంబంధించిన వీడియో సోషల్ మీడియాలో వైరల్‌గా మారింది. నాలుగేళ్ల క్రితం చంద్రబాబు గురించి అడిగిన ప్ర‌శ్న‌కు వేణు స్వామి స్పందిస్తూ.. చంద్రబాబు కచ్చితంగా సమస్యల బారిన పడతారు. వందకు వందశాతం ఆయన సమస్యల బారిన పడతారు. లోకేష్‌కు 2024 వరకు బ్యాడ్‌ టైమ్‌ నడుస్తోంది. 2024లో లోకేష్‌ గెలవటం కష్టం. ఏ రెమిడీ తీసుకున్నా.. సబ్జెక్ట్‌ చెయ్యి దాటి పోయింది’’ అని అన్నారు. వేణు స్వామి అప్పుడు అన్న మాటలు ఇప్పుడు నిజం అయ్యాయి. చంద్రబాబు నాయుడు అరెస్ట్‌ అయ్యారు. ప్రస్తుతం జైలులో ఉన్నారు.
స్కిల్ డెవలప్ స్కామ్ లో భాగంగా ఈయన ప్రధాన నిందితుడిగా చంద్రబాబు జైలుపాలు అయ్యారు.ఈ స్కామ్ లో భాగంగా భారీ కుంభకోణం జరిగిందని సిఐడి అధికారులు సాక్షాలతో సహా చంద్రబాబు నాయుడుని అరెస్టు చేయడంతో గతంలో ఈయన గురించి వేణు స్వామి చెప్పిన మాటలు నిజమయ్యాయని ఈ వీడియోని మరింత వైరల్ చేస్తున్నారు. జైలులో చంద్రబాబుకు ఖైదీ నెంబర్ 7691ను కేటాయించారు. ఎస్పీజీ భద్రత కలిగిన వ్యక్తి కావడంతో..మాములు ఖైదీలకు దూరంగా ఉంచారు. ఆహారం విషయంలోనూ ప్రత్యేక శ్రద్ధ తీసుకుంటున్నారు. ఇంటి భోజనాన్ని ఆయనకు అందిస్తున్నారు.
