Hyper Aadi : జనసేన పార్టీ అధినేత పవన్ కళ్యాణ్ ఈ సారి పిఠాపురంలో పోటీ చేస్తున్న విషయం తెలిసిందే.ఈ సారి అసెంబ్లీ నియోజకవర్గంలో లక్షకుపైగా ఓట్ల మెజారిటీ వస్తుందని జబర్దస్త్‌ కమెడియన్‌ హైపర్ ఆది అన్నారు. ఎన్నికల నేపథ్యంలో జనసేన పార్టీ స్టార్ క్యాంపెయినర్లుగా నాగబాబు, పృథ్వీ, అంబటి రాయుడు, హైపర్ ఆది, జానీ మాస్టర్, గెటప్ శ్రీను, మొగలిరేకులు సాగర్‌ను నియమించిన విషయం తెలిసిందే. అయితే హైపర్ ఆది ఈ ప్రచారంలో త‌న‌దైన శైలిలో ప్రచారం చేస్తున్నారు. ఎన్నికల ప్రచారం ముగిసే వరకు పిఠాపురంలోనే ఉంటామన్నారు. జనసేన పార్టీ అభ్యర్థులు పోటీ చేసే 21 నియోజకవర్గాల్లో ప్రచారం చేస్తామని ఆది చెప్పారు. షూటింగ్స్ అన్నీ ముందే పూర్తి చేసుకుని వచ్చామని ఆది తెలిపారు.
పవన్ కోసం ప్రచారం చేయడానికి షూటింగ్స్ కి ఎలాంటి ప్రోబ్లం లేకుండా అన్ని షూటింగ్స్ ని ముందే పూర్తి చేసుకున్నట్లు చెప్పాడు. ఆది ఇప్పటికే ఢీ షో, శ్రీదేవి డ్రామా కంపెనీ షోస్ లో చేస్తున్న విషయం తెలిసిందే. జనసేన పార్టీ అభ్యర్థులు పోటీ చేసే 21 నియోజకవర్గాల్లో ఈ నెలరోజుల పాటు తిరిగి ప్రచారం చేస్తానని చెప్పాడు. ఇకపోతే పిఠాపురంలో ఏ ఇంటికి వెళ్లినా జనసేనకు అపూర్వ స్పందన వస్తోందని చెప్పాడు ఆది. అందరూ పవన్ కళ్యాణ్ కె ఓటేస్తామని చెప్తున్నారన్నారు. పిఠాపురం నియోజకవర్గం పేరు ఇప్పుడు మారుమోగుతోందన్నాడు ఆది. పవన్ కళ్యాణ్ కి మంచి మెజారిటీ వస్తే ఈ నియోజకవర్గాన్ని టాప్ లెవెల్ అభివృద్ధి చేస్తాడని చెప్పాడు హైపర్ ఆది.
జనసేన అధినేత పవన్ కల్యాణ్ గెలుపు కోసం విపరీతంగా కష్టపడుతున్నారు. తొలుత పవర్ స్టార్ పోటీచేస్తున్న పిఠాపురంలో ప్రచారం చేసిన ఆది.. తర్వాత అనకాపల్లిలో ఇంటింటి ప్రచారం నిర్వహించారు. ఈ సందర్భంగా.. అధికార వైసీపీపై తీవ్ర విమర్శలు గుప్పించారు. సాయంత్రం మూత విప్పితే.. మగవాళ్ల అకౌంట్లో నుంచి రూ. 30 వేలు పోతున్నాయన్న ఆది.. పొద్దున్న బటన్ నొక్కడం.. సాయంత్రం పీక నొక్కడం జరుగుతుందన్నారు. జనసేన- టీడీపీ- బీజేపీ కూటమి గెలుపు కోసం ప్రతి ఒక్కరూ కృషి చేయాలని కోరారు.
