Atchennaidu : ఏపీ అసెంబ్లీ స్పీకర్ గా ఎన్నికైన చింతకాయల అయ్యన్నపాత్రుడిపై అసెంబ్లీలో ప్రతి ఒక్కరు ప్రశంసలు కురిపిస్తూ మాట్లాడారు. ఈ క్రమంలోనే మంత్రి అచ్చెన్నాయుడు ఛలోక్తులు విసిరారు. రాజకీయనాయకుడిగా మీ అవతారం వేరేలా ఉన్నా అసెంబ్లీ స్పీకర్ గా మీ అవతారం మారాల్సిన అవసరం ఉందన్నారు అచ్చెన్నాయుడు. ఆ మాటలకు ఉపముఖ్యమంత్రి పవన్ కళ్యాణ్ సహా సభలో అంతా నవ్వుకున్నారు. ఇంతకుముందు రాజకీయ నేతగా అయ్యన్న పాత్రుడు చాలా దూకుడుగా వ్యవహరించారని, ఆ క్రమంలో కొన్ని పదునైన మాటలు కూడా మాట్లాడాల్సి వచ్చేదని అచ్చెన్నాయుడు అన్నారు. అయితే స్పీకర్గా ఇక తన అవతారం మార్చాల్సి ఉందని..హుందాగా ఉండాలంటూ సూచించారు.
ఈ క్రమంలోనే అచ్చెన్న వ్యాఖ్యలకు డిప్యూటీ సీఎం పపన్ కళ్యాణ్ పగలబడి నవ్వుతూ కనిపించారు. ఈ వీడియోలు ఇప్పుడు సోషల్ మీడియాలో వైరల్ అవుతున్నాయి. 2019-24 శాసనసభ ఏపీ చరిత్రలోనే దుర్మార్గమైన శాసనసభ అంటూ అచ్చెన్నాయుడు మండిపడ్డారు. వైసీపీ నేతలు.. టీడీపీ ఎమ్మెల్యేలను బండబూతులు తిట్టారని విమర్శించారు. సభకు రానివాళ్లు అదృష్టవంతులని అప్పట్లో బాధపడ్డామని గుర్తుచేసుకున్నారు. గత శాసనసభలో టీడీపీ ఎమ్మెల్యే మీద భౌతిక దాడులు కూడా చేశారని అన్నారు. అయితే అనుభవజ్ఞుడిగా సభను హుందాగా నడిపించాలని అచ్చెన్నాయుడు.. అయ్యన్నపాత్రుడిని కోరారు.
ఇంతకుముందు రాజకీయ నేతగా అయ్యన్న పాత్రుడు చాలా దూకుడుగా వ్యవహరించారని, ఆ క్రమంలో కొన్ని పదునైన మాటలు కూడా మాట్లాడాల్సి వచ్చేదని అచ్చెన్నాయుడు అన్నారు. అసెంబ్లీలో ముందుగా చంద్రబాబు నాయడు ఆసక్తికర వ్యాఖ్యలు చేశారు. ముందుగా అచ్చెన్నాయుడు గురించి, ఆయన రాజకీయ ప్రస్తానం గురించి మాట్లాడారు. ఆ తర్వాత ఉప ముఖ్యమంత్రి, మంత్రి నారా లోకేష్ కూడా అయ్యన్నపాత్రుడిపై ప్రశంసలు కురిపిస్తూ ఆసక్తికర వ్యాఖ్యలు చేశారు.
