Yutuber Nani : వైజాగ్ ఫిషింగ్ హార్బర్ లో బోట్లు తగలబడిన ఘటనలో యూట్యూబర్ నాని కీలక వ్య‌క్తిగా వ్య‌వ‌హ‌రించిన‌ట్టు ప్ర‌చారం జ‌రిగింది. అయితే ఆయ‌న త‌ప్పించుకొని తిరుగుతున్న‌ట్టు ప్ర‌చారం జ‌రుగుతున్న నేప‌థ్యంలో నాని ఎట్టకేలకు మీడియా ముందుకొచ్చాడు. అతడిని అరెస్ట్ చేసినట్టు అధికారిక సమాచారం లేకపోవడం, నాని కనపడకపోవడంతో కుటుంబ సభ్యులు కోర్టులో హెబియస్ కార్పస్ పిటిషన్ దాఖలు చేశారు. దీంతో సడన్ గా నాని బయటకు వచ్చారు. ఘటన జరిగిన రోజు తనను పోలీసులు తీసుకెళ్లారని లాఠీలతో కొట్టారని వివరించారు. తనను బూతులు తిట్టారని, ఎందుకు ఇలాంటి పని చేశావని అడిగారని చెప్పారు నాని. చివరకు కోర్టులో పిటిషన్ వేయడంతో తనను వదిలిపెట్టారని అన్నారు. మీడియా ముందుకు రావొద్దని, ఎవరితోనూ మాట్లాడొద్దని హెచ్చరించారని అన్నారు నాని.
కావాలనే ఈ కేసులో ఇరికించారని వాపోయాడు. తాను ఏ తప్పూ చేయలేదని అన్నాడు. 19వ తేదీ రాత్రి తన భార్య సీమంతం కావడంతో వేరే ప్లేస్ లో ఫ్రెండ్స్ కు పార్టీ ఇచ్చానని తెలిపాడు. అయితే, ఆ సమయంలోనే తనకు ఫోన్ రావడంతో యాక్సిండెంట్ స్పాట్ కు వెళ్లనని చెప్పాడు. అయితే, తాను అక్కడికి వెళ్లే సరికి బోట్లు అన్ని తగలబడిపోతున్నాయన్నాడు. అది చూసి ఏడ్చుకుంటూ నేరుగా తన బోటు దగ్గరకు వెళ్లానని వివరించాడు. తనకు రెండు బోట్ల ఉన్నాయని వెల్లడించాడు. అందులో ఒకటి కాలిపోతుండగా.. ఇంకో బోటు సేఫ్ గా ఉందని తెలిపాడు. ‘నేను డ్రింక్ చేసింది వాస్తవమే అది నేను ఒప్పుకుంటాను. నా భార్య శ్రీమంతం కావడంతో నేను తాగాను. తాగిన మైకంలో ఉన్న నేను..తగలబడిపోతున్న బోట్లను ఎలా సేవ్ చేసేది? ఒకవేళ నేను సేవ్ చేయడానికి వెళ్తే మళ్లీ నన్ను సేవ్ చేయడానికి ఇంకోకరు రావాల్సి ఉంటుంది.
నేను ఉన్న పరిస్థితిలో ఎవరికి ఫోన్ చేయాలో తెలియలేదు. ఈ ప్రమాదం జరిగిందని ఎవ్వరికి కూడా తెలియదు.. కనీసం వీడియో తీస్తే గవర్నమెంట్ కు తెలుస్తుంది.. ప్రజలు జరిగిన విషయం తెలుసుకుంటారు అని అలా చేశాన‌ని అన్నాడు. బోటులో మద్యం సేవిస్తున్న వాసుపల్లి నాని(23), అతని మామ అల్లిపిల్లి సత్యం ఈ ఘటనకు కారణమని పోలీసులు ఎట్టకేలకు గుర్తించారు.
