YSRCP : గ‌త కొన్నాళ్లుగా ఏపీలో ఎన్నిక‌ల వేడి మాములుగా లేదు. కూట‌మి ఒకవైపు ,వైసీపీ వైపు పోటీ ప‌డుతుండ‌గా, ఈ సారి ఏ పార్టీ అధికారంలోకి వ‌స్తుందా అని ప్ర‌తి ఒక్క‌రు ఎంతో ఆస‌క్తిగా ఎదురు చూస్తున్నారు. అయితే ఇటీవ‌ల ఎన్నిక‌లు పూర్తి కాగా, రిజ‌ల్ట్ ఎవ‌రికి అనుకూలం వ‌స్తుందా అని ప్ర‌తి ఒక్క‌రు గ‌మ‌నిస్తున్నారు. అయితే ప‌లు స‌ర్వేలు ఫ‌లితాల‌పై ఆస‌క్తిక‌ర విశ్లేష‌ణ‌లు చేస్తున్నాయి. ఆంధ్రప్రదేశ్‌ రాష్ట్ర శాసనసభ, లోక్‌సభ ఎన్నికల్లో ముఖ్యమంత్రి వైఎస్‌ జగన్‌ నాయకత్వంలోని వైఎస్సార్‌ కాంగ్రెస్‌ పార్టీ మెజారిటీ స్థానాల‌ను సాధిస్తుందని తాజా సర్వే తేల్చింది.
వైఎస్సార్‌ కాంగ్రెస్‌ పార్టీకి 48.5 శాతం ఓట్లు వస్తాయని శ్రీ ఆత్మసాక్షి గ్రూప్‌ చేసిన సర్వేలో తేలింది, టీడీపీ, జనసేన, బీజేపీ కూటమికి 46.5 శాతం ఓట్లు పోలవుతాయని చెప్పింది. ఇతరులకు 3 శాతం ఓట్లు పడుతాయని, ఇంత వరకు ఏ నిర్ణయానికి రాని ఓటర్లు 2 శాతం ఉన్నారని ఆ సర్వే స్పష్టం చేసింది. పిఠాపురం విష‌యానికి వ‌స్తే పవన్ కళ్యాణ్, వంగా గీత మ‌ధ్య గ‌ట్టి పోటీ ఉంటుంద‌ని అంటున్నారు. ఆత్మ సాక్షి సర్వే ప్రకారం పిఠాపురంలో వైసీపీనే లీడ్‌లో ఉంద‌ని అంటున్నారు. కుప్పంలో కూడా వైసీపీ ఐదువేల లీడ్‌లో ఉంటార‌ని చెబుతున్నారు. మ‌రి ఆత్మసాక్షి సర్వే ప్రకారం ఇందులో ఎంత నిజం ఉంట‌ద‌నేది తెలియాల్సి ఉంది.
ఇక పిఠాపురంలో పవన్ కళ్యాణ్ ఓడిపోతే ఆయ‌న ప్ర‌జారాజ్యం మాదిరిగా బీజేపీలో విలీనం చేస్తాడ‌ట. కుప్పంలో చంద్ర‌బాబు ఓడిపోతే ఆయ‌న కూడా బీజేపీలో విలీనం చేస్తాడ‌ని అంటున్నారు.బీజేపీ ఓ శ‌క్తిలా రూపొందుతుంది. రెండు పార్టీలు బీజేపీలో విలీనం అయితే ఆ పార్టీ మరింత బ‌లంగా మారే అవ‌కాశం ఉంద‌ని చెబుతున్నారు. చూడాలి మ‌రి రానున్న రోజుల‌లో స‌ర్వేలు ఏ మేర‌కు స‌క్సెస్ అవుతాయి, ఎవ‌రు విజేత‌లుగా నిలుస్తారు అన్న‌ది తెలియాల్సి ఉంది.
