YSRCP Audio Leak : ఐ ప్యాక్ కాల్ రికార్డ్ లీక్.. వైసీపీ నేత‌కి జ‌గ‌నన్న‌పై ఇంత కోపం ఉందా..?

YSRCP Audio Leak : ఐప్యాక్ ప్రతినిధికి వైసీపీ నాయకుడు దిమ్మతిరిగే షాక్ ఇచ్చారు. ఓర్వకల్లు మండలం పూడిచెర్లలో సర్వే కోసం వైసీపీ నాయకుడు రాజన్నకు ఐప్యాక్ ప్రతినిధి ఫోన్ చేశారు. గ్రామంలో అభివృద్ధి, ఓటర్ల వివరాలపై రాజన్న అభిప్రాయాన్ని ఐప్యాక్ ప్రతినిధి అడిగి తెలుసుకోగా, ఆ స‌మ‌యంలో వైసీపీ నేత చెప్పిన సమాధానం విని షాక్ అవడం ఐప్యాక్ ప్రతినిధి వంతైంది. జగన్ నుంచి మా ఊరికి ఒక్క రూపాయి ఫండ్స్ రాలేదు. గ్రామంలో అభివృద్ధి శూన్యం. వైసీపీలో నాయకులకు గౌరవం లేదు… ప్రతి ఊర్లో రెండు మూడు గ్రూపులు ఉన్నాయి. మరో పది రోజుల్లో భారీగా వైసీపీ వాళ్లు టీడీపీలో చేరుతారు.

వైసీపీ ఉంటుందో ఊడిపోతుందో అర్థం కావడం లేదు. జగన్ మళ్ళీ వస్తే గ్రామాల అభివృద్ధి ఎందుకు… నేను బటన్ నొక్కుతున్నాను కదా అంటాడేమో. జగన్ అడగని వాళ్లకు డబ్బులు ఇస్తున్నాడు. అభివృద్ధి చేయకుండా కేవలం బటన్ నొక్కితే ఓట్లు పడతాయా. అంతో ఇంతో అభివృద్ధి చేసిన కేసీఆరే ఓడిపోయాడు. ఇక్కడ అంతకన్నా ఘోరంగా ఉంటుంది’’ అంటూ వైసీపీ నేత చెప్పినట్లు తెలుస్తోంది. ఐప్యాక్ ప్రతినిధికి వైసీపీ నేత చెప్పిన విషయాలు ప్రస్తుతం సంచలనంగా మారాయి. ఐప్యాక్‌ మోహన్ మాట్ల‌డుతూ.. నమస్తే సార్‌.. రాజన్న గారా..? నా పేరు మోహన్‌.. ఐప్యాక్‌ టీం నుంచి ఫోన్‌ చేస్తున్నాను అని అన‌గా, రాజన్న: అవును రాజన్ననే.. చెప్పండప్పా అని అన్నారు. త‌ర్వాత ఐప్యాక్‌ మోహన్‌: అభివృద్ధి కార్యక్రమాలు చెప్పినవి చెప్పినట్టు చేశామా..? ఏమైనా పెండింగ్‌లో ఉన్నాయా? అని అడిగారు. దానికి రాజన్న: అభివృద్ధి అంటే.. మా ఊర్లో జరిగిన అభివృద్ధి ఇండియాలో ఎక్కడా జరిగి ఉండదప్పా .. జగనన్న కాలనీలో ఏ ఒక్కరికీ ఒక్క షెడ్డు కూడా ఇవ్వలేదు. ఎమ్మెల్యే గెలిచినప్పటి నుంచి ఓ గంప కంకర.. సిమెంట్‌ రోడ్డు వేయలేదు అని అన్నారు.

ఐప్యాక్‌ మోహన్‌: ఏ అభివృద్ధీ జరగలేదా..? అని అడ‌గ‌గా, దానికి జన్న: ఏడిది లేదప్పా.. అభివృద్ధి అనేది అంతా శూన్యం..! రూపాయి పని కూడా జరగలే.. అని అన్నాడు. ఐప్యాక్‌ మోహన్‌: వచ్చే ఎన్నికల్లో మెజార్టీ రాదంటారా..? అని అడ‌గ్గా, వానికి రాజన్న: ఒక్కరూపాయి పనికూడా చేయలేదయ్యా.. ఏ పనీ చేయలేదని నీవు ఎమ్మెల్యేను అడిగినా బాధలేదు.. మెజార్టీ వస్తుందో.. ఊడిపోతుందో అర్థం కాకుంది.. జగన్‌ మళ్లీ గెలిస్తే ఊర్లు వదిలి గట్టున ఉండమంటాడేమో..?రాష్ట్రం విడిచి వేరే రాష్ట్రానికి పొమ్మాంటాడేమో..? కొళాయి విరిగిపోయిందంటే కొత్తది వేయించేందుకు లేదు.. ఇదా అభివృద్ధి. శ్మశానంలో కాపురం చేయమన్నట్టుంది అయన అభివృద్ధి. మహానుభావుడు చల్లగా నూరేళ్లు బతకనీ.. ఇలాంటి నాయకుడు మనకు దొరకడు.. ఉంటా..అని అంటాడు.