Shanmukh : యూట్యూబ‌ర్, బిగ్ బాస్ ఫేం షణ్ముఖ్ గురించి ప్ర‌త్యేక ప‌రిచ‌యాలు అక్క‌ర్లేదు. తాజాగా షణ్ముఖ్ జశ్వంత్ గంజాయితో దొరికిపోయాడు. అతనే కాదు అతడి అన్నయ్య సంపత్ వినయ్ కూడా అరెస్ట్ అయ్యాడు.పోలీసులు షణ్ముఖ్ జశ్వంత్, అతని సోదరుడు సంపత్ వినయ్ కోసం జశ్వంత్ ప్లాట్ వెళ్లారు. అక్కడ పోలీసుల జరిపిన సోదాల్లో గంజాయి దొరికింది. దీంతో పోలీసులు వెంటనే షణ్ముఖ్ జశ్వంత్, సంపత్ వినయ్ ని అరెస్ట్ చేశారు. ఓ యువతి ఇచ్చిన ఫిర్యాదు మేరకు షణ్ముఖ్ సోదరుడు సంపత్ వినయ్‌ని అదుపులోకి తీసుకునేందుకు తన ప్లాట్ కి వెళ్లిన పోలీసులకు.. అక్కడ షణ్ముఖ్ జస్వంత్ గంజాయి తీసుకొంటూ కనిపించాడు.
దీంతో సంపత్ వినయ్‌తోపాటు షణ్ముఖ్‌ను నార్సింగ్‌ పోలీసులు అదుపులోకి తీసుకున్నారు. పోలీసులతోపాటు యువతి మౌనిక కూడా అక్కడికి వెళ్లింది. ఇంట్లోకి వెళ్లి చూడగా.. షణ్ముఖ్ ఒక్కడే కనిపించాడు. అతని వద్ద 16 గ్రాముల గంజాయి లభించడంతో పోలీసులు అతన్ని అదుపులోకి తీసుకున్నారు. షణ్ముఖ్ సోదరుడు సంపత్ వినయ్ ఆంధ్రప్రదేశ్‌కి చెందిన ఓ యువతితో పదేళ్లుగా ప్రేమలో ఉన్నాడు. ఇద్దరికి నిశ్చితార్థం కూడా జరిగింది. కొద్ది రోజుల్లో పెళ్లి కూడా నిశ్చయమైంది. ఆ తర్వాత ఆమెను దూరం పెట్టాడు. 20 రోజుల క్రితం వేరే యువతిని పెళ్లి చేసుకున్నాడని తెలుసుకున్న ప్రియురాలు పోలీసులను ఆశ్రయించింది. తనను ప్రేమ పేరుతో మోసం చేశాడని ఫిర్యాదులో పేర్కొంది.
షణ్ముక్ జశ్వంత్ మొదటి నుంచి వివాదాలకు కేరాఫ్ అడ్రస్ గా ఉన్నాడు. గతంలో హిట్ అండ్ రన్ కేసులో అరస్టయ్యాడు. షణ్ముక్ యూట్యూబ్ తో ఫేమస్ అయ్యాడు. ఆ తర్వాత బిగ్ బాస్ కు వెళ్లాడు. ఆ తర్వాత వెబ్ సిరీస్ ల్లో నటించాడు. సాఫ్ట్ వేర్ డెవలపర్ వంటి వెబ్ సిరీస్ తో మంచి పేరు తెచ్చుకున్నాడు. ప్రస్తుతం షణ్మక్, అతడి సోదరుడు పోలీస్ స్టేషన్ లో ఉన్నారు. దీప్తి సున‌య‌న‌తో ప్రేమలో ఉన్న షణ్ముఖ్ బిగ్ బాస్ కి వెళ్లి వ‌చ్చాక ఆమెకి దూరం అయ్యాడు.
