Waltair Veerayya : చిరంజీవి, శృతి హాస‌న్ ప్ర‌ధాన పాత్ర‌ల‌లో బాబీ తెర‌కెక్కించిన చిత్రం వాల్తేరు వీరయ్య. జనవరి 13 వాల్తేరు వీరయ్య తో ప్రేక్షకుల ముందుకు రానున్నాడు. ఫస్ట్లుక్ పోస్టర్, టీజర్‌తో సినిమా మీద అంచనాలు భారీగా పెరిగాయి. ఇప్పటికే ఈ సినిమాకు సంబంధించి విడుదల చేసిన రెండు పాటలతో ఫ్యాన్స్ ఎంజాయ్ చేస్తున్నారు. రీసెంట్‌గ విడుదల చేసిన వాల్తేరు వీరయ్య టైటిల్ సాంగ్ సైతం అదరగొట్టాడు డీఎస్పీ. అయితే ఈ పాట రాసిన ప్రముఖ గేయ రచయిత చంద్రబోస్‌పై రచయిత యండమూరి వీరేంద్రనాథ్ మండిపడ్డారు. పాట రాసిన వ్యక్తి ఏ పురాణాలు చదివారు, అస‌లు చంద్రబోస్‌కు ఏ సంప్రదాయం తెలుసునంటూ యండమూరి ప్రశ్నించారు.
దీనిపై సోషల్ మీడియాలోనూ పెద్ద ఎత్తున చర్చ జరుగుతున్న నేపథ్యంలో చంద్రబోస్ స్పందించారు. విరోధాభాషలంకారంలో అర్ధాన్ని వివరించారు . అధ్యయనం చేయాల్సిన పాటను అవమానిస్తారా అని చంద్రబోస్ కౌంటరిచ్చారు. మరి దీనిపై యండమూరి స్పందిస్తారో లేదో వేచి చూడాలి. అయితే ఈ పాట `తుఫాను అంచున తపస్సు చేసే వశిష్ణుడు` అంటూ సాగే ఈ పాట యూట్యూబ్‌లో ట్రెండ్ అవుతుంది. దేవి శ్రీ ప్రసాద్‌ సంగీతం అందించిన ఈ పాటని చంద్రబోస్ రాశారు. శేఖర్‌ మాస్టర్ నృత్యాలు సమకూర్చారు.
టైటిల్ సాంగ్‌ని అనురాగ్‌ కులకర్ణ అలాప్‌, పవిత్ర చారి ఆలపించ‌గా, బ్రాస్‌ ఆర్కేస్ట్రా సంస్థ బ్యాంకాక్‌ కి చెందిన ఆర్కేస్ట్రా బృందాలతో కలిసి పనిచేయడం విశేషం. యాక్షన్ సీక్వెన్స్ లో ఈ పాట వచ్చేలా ఉందని అర్థం అవుతోంది. ఆన్ లైన్ లో మెుదట పాటను విడుదల చేశారు. కాసేపటికి యూట్యూబ్ లోనూ అప్ లోడ్ చేశారు. ముందుగా చిరంజీవి ఫొటోను చిత్ర యూనిట్ విడుదల చేయ‌గా, ఇందులో చిరు మాస్ లుక్లో సూపర్ గా కనిపిస్తున్నాడు. ఇందులో రవితేజ కీలక పాత్రలో న‌టించి మెప్పించ‌నున్నాడు.
