మెగాస్టార్ చిరంజీవి గ‌త ఏడాది నటించిన ఆచార్య అతిపెద్ద డిజాస్టర్‌గా మిగిలింది. గాడ్ ఫాదర్ సినిమా నష్టాలను తెచ్చిపెట్టింది. అంతకు ముందు చేసిన సైరా కూడా భారీ నష్టాలను తెచ్చి పెట్టింది అనే చెప్పాలి. అలా చిరంజీవికి ఈ మధ్య కాలంలో సరైన హిట్ పడక‌పోవ‌డంతో భారీ అంచ‌నాల‌తో వాల్తేరు వీరయ్య మూవీతో ప్రేక్ష‌కుల ముందుకు వ‌చ్చాడు. మెగాస్టార్ అంటే మాస్ ఇమేజ్‌..ఈయ‌న‌కు తోడుగా ఇప్పుడు మాస్ మ‌హారాజా ర‌వితేజ కూడా ఇందులో యాడ్ అయ్యారు. దీంతో మెగా మాస్ ప‌క్కా అంటూ ఫ్యాన్స్‌, ప్రేక్ష‌కులు ఆస‌క్తిగా ఎదురు చూస్తున్నారు. మరి ఈ వాల్తేరు వీరయ్య అయినా కూడా చిరు స్థాయి హిట్ సాధించిందా? లేదా? అన్నది చూద్దాం
క‌థ:
జాలారి పేట‌లో వాల్తేరు వీరయ్య నివ‌సిస్తుంటాడు. అతనికి తెలియ‌కుండా కొంద‌రు స‌ముద్ర‌పు ఒడ్డున డ్ర‌గ్స్ స‌ర‌ఫ‌రా చేస్తుంటారు. ఈ విష‌యం తెలుసుకున్న ఏసీపీ విక్ర‌మ్ సాగ‌ర్ డ్ర‌గ్స్ దందా చేసే వారిని అరెస్ట్ చేస్తాడు. వారిని కాపాడుకునే ప్ర‌య‌త్నంలో వీర‌య్య‌ని కూడా ప‌ట్టుకొని వెళ‌తాడు. ఇక్క‌డ ట్విస్ట్ ఏంటంటే.. వీరయ్య, విక్ర‌మ్ లు ఒకే తండ్రి బిడ్డ‌లు. త‌ల్లులు మాత్రం వేరు. అయితే వీరయ్య జైల్లో ఉన్న స‌మ‌యంలో విక్ర‌మ్‌ని దుండ‌గులు మ‌ట్టుపెడ‌తారు. త‌మ్ముడిని చంపింది ప్ర‌కాశ్ రాజ్ అని తెలుసుకొని మ‌లేసియాలో ఉన్న ప్ర‌కాశ్ రాజ్ ద‌గ్గ‌ర‌కు వెళ‌తాడు. ఆ త‌ర్వాత ఏం జరిగింది అనేది సినిమా చూస్తే తెలుస్తుంది.
ప్ల‌స్ పాయింట్స్
- చిరంజీవి కామెడీ
- ర‌వితేజ ప‌ర్‌ఫార్మెన్స్
- పాట‌లు
- మేకింగ్
మైన‌స్ పాయింట్స్
- క‌థ పాత‌ది కావ‌డం
- సాగ‌దీత స‌న్నివేశాలు
వాల్తేరు వీరయ్య సినిమాలో మెగాస్టార్, ర‌వితేజ ఇద్ద‌రు క‌లిసి పూన‌కాలు తెప్పించారు. ఫ‌స్టాఫ్ అంతా చిరు ఎంట‌ర్‌టైన్‌మెంట్ తో ఆస‌క్తిగా న‌డిచింది. ర‌వితేజ పాత్ర త‌క్కువే అయిన ఉన్నంత‌లో ఆక‌ట్టుకున్నాడు. ఇక శృతి హాస‌న్ సీబీఐ ఆఫీస‌ర్‌గా అద‌ర‌గొట్టింది. బాబీ సింహా, వెన్నెల కిషోర్ వారు వారు త‌మ పాత్ర‌ల మేర అద్భుతంగా న‌టించారు. ఇక సినిమాకి దేవి శ్రీ ప్ర‌సాద్ అందించిన సంగీతం భళా అని చెప్పాలి. ప్ర‌తి సాంగ్ స్క్రీన్ పై ఆక‌ట్టుకుంటుంది. ఆర్ట్ డైరెక్ట‌ర్ ఏఎస్ ప్ర‌కాశ్ రూపొందించిన సెట్స్ , బాబీ తెర‌కెక్కించిన విధానం, నిర్మాణ విలువ‌లు. సినిమాటోగ్ర‌ఫీ బాగున్నాయి. మొత్తానికి సంక్రాంతికి మెగా ఫ్యాన్స్‌కి పూన‌కాలు లోడింగ్ అనే చెప్పాలి.
