Vishwaksen : బాల‌కృష్ణ ఈవెంట్‌లో మందు తాగాడా.. అస‌లు విష‌యం బ‌య‌ట‌పెట్టిన విశ్వ‌క్ సేన్..

Vishwaksen : టాలీవుడ్ అగ్ర కథానాయకుడు, నటసింహం నందమూరి బాలకృష్ణ తరచుగా వివాదాల్లో చిక్కుకుంటున్న సంగతి తెలిసిందే. తనతో సెల్ఫీలు దిగేందుకు , షేక్‌హ్యాండ్ ఇచ్చేందుకు వచ్చే వారిపై చేయి చేసుకోవడం ఆయ‌న‌ని లేనిపోని వివాదాల‌లోకి దూరేలా చేస్తుంటుంది. సొంత అభిమానులే ఈ విషయంపై బాలకృష్ణను తప్పుబడుతున్నారు. ఎన్ని విమర్శలు వచ్చినా బాలయ్య మాత్రం తన తీరు మార్చుకోవడం లేదు. తాజాగా నటసింహం మరో వివాదంలో చిక్కుకున్నారు. ‘గ్యాంగ్స్ అఫ్ గోదావరి’ సినిమా ప్రీ విడుదల వేడుకలో బాలకృష్ణ, నటి అంజలిని నెట్టేస్తున్నట్టుగా వున్న వీడియో వైరల్ అవుతోంది. కొంతమంది ఆ వీడియో ముందు, వెనకాల తీసేసి కేవలం బాలకృష్ణ, అంజలిని పక్కకి నెట్టేస్తున్న భాగం మాత్రమే చూపిస్తూ, బాలకృష్ణకి మహిళల పట్ల గౌరవం లేదని ట్రోల్ చేస్తున్నారు.

అయితే చిత్ర కథానాయకుడు విశ్వక్ సేన్, నిర్మాత నాగవంశీ అక్కడ జరిగింది వేరు, చూపించేది వేరు అని చెపుతూ బాలయ్యపై ట్రోల్స్ ఆపాలని చెప్పారు.. సభ్యులు అందరితో కలిసి బాలకృష్ణ ఫోటోలకు పోజులు ఇచ్చే క్రమంలో నటి అంజలిని బాలయ్య పక్కకు జరగమని చెప్పగా అంజలి సరిగా వినిపించుకోలేదు. దీనితో బాలకృష్ణ ఆమెను పక్కకు నెట్టారు. అంజలి షాక్ అయినా, తరువాత ఆ విషయాన్ని సరదాగా తీసుకొని నవ్వేసింది కూడా, బాలకృష్ణతో షేక్ హ్యాండ్ కూడా ఇచ్చింది. అయితే కొంతమంది ఈ విషయం గురించి వివాదం చెయ్యాలని అనుకున్నారేమో, అందుకని ఈ వీడియో ముందు, వెనకాల తీసేసి, కేవలం బాలకృష్ణ, అంజలిని నెట్టడం వరకే చూపిస్తూ, బాలకృష్ణకి మహిళలంటే గౌరవం లేదని సామాజిక మాధ్యమాల్లో ట్రోల్స్ చేస్తున్నారు.

ఈ ఈవెంట్‌కు బాలయ్య మందు తాగి వచ్చారని, ఆయన సీటు పక్కన మద్యం బాటిల్‌ను హైలైట్ చేస్తూ ట్రోల్ చేస్తున్నారు. దీనిపై నిర్మాత సూర్యదేవర నాగవంశీ స్పందించారు. సోషల్ మీడియాలో వైరల్ అవుతున్న మద్యం బాటిల్ నిజం కాదని.. మంచినీటి సీసాలో మందు ఉన్నట్లు సీజీ చేసి బాలకృష్ణను ట్రోల్ చేస్తున్నారని ఆగ్రహం వ్యక్తం చేశారు. తామంతా ఈ ఈవెంట్‌లో ఉన్నామని.. అక్కడేం జరిగిందో మాకు తెలియదా అని నాగవంశీ ప్రశ్నించారు. అలాగే అంజలి ఇష్యూపైనా ఆయన స్పందించారు. మరి వీరిద్దరి క్లారిటీతోనైనా వివాదం సద్దుమణుగుతుందా లేక మరో కొత్త పాయింట్ పట్టుకుని గోల చేస్తారా అన్నది తెలియాల్సి ఉంది.