Vishwaksen : మాస్ కా దాస్ ‘విశ్వక్ సేన్’ గురించి ప్ర‌త్యేకంగా చెప్ప‌న‌క్క‌ర్లేదు. ఇటీవలే ‘గ్యాంగ్స్ ఆఫ్ గోదావరి’ మూవీతో ప్రేక్షకుల ముందుకు వచ్చారు. కాగా,యాక్షన్ థ్రిల్లర్ మూవీగా తెరకెక్కిన ఈ సినిమాకు కృష్ణ చైతన్య దర్శకత్వం వహించారు.ఇకఇందులో నేహా శెట్టి హీరోయిన్ గా,అంజలి కీలక పాత్రలో నటించారు.అయితే ఈ సినిమా గతనెల మే 31వ తేదీన థియేటర్లలో గ్రాండ్ గా రిలీజ్ అయింది. కానీ, ఈ సినిమా ఆశించిన స్థాయిలో అందరి అంచనాలు మేరకు ఆకట్టుకోలేక పోయింది. మూవీలో విశ్వక్ సేన్ ప‌ర్‌ఫార్మెన్స్ గురించి ప్ర‌త్యేకంగా చెప్ప‌న‌క్క‌ర్లేదు. ఈ సినిమాలో మరోసారి విశ్వక్ తన నటనతో అదరగొట్టేశాడని చెప్పవచ్చు.
పైగా ఈ మూవీ ప్రస్తుతం ఓటీటీలో అలరిస్తున్న సంగతి తెలిసిందే. ఇదిలా ఉంటే.. తాజాగా ఈ యంగ్ హీరో సోషల్ మీడియా అయిన ఇన్ స్టా అకౌంట్ ను క్లోజ్ చేశారు. ప్రస్తతం ఈ విషయం కాస్త వైరల్ గా మారింది. ఇంతకి ఏం జరిగిందంటే. విశ్వక్ సేన్ సోషల్ మీడియాలో చాలా యాక్టివ్ గా ఉంటాడని తెలిసిందే. తన సోషల్ మీడియాలో రెగ్యులర్ గా పోస్టులు చేస్తాడు. తనని ట్యాగ్ చేస్తూ పోస్టులు పెట్టిన వారికి రిప్లైలు ఇస్తాడు. తనపై ట్రోల్స్ చేసే వాళ్లకి కూడా గట్టిగానే సమాధానం చెప్తాడు. తాజాగా విశ్వక్ సేన్ తన ఇన్‌స్టాగ్రామ్ అకౌంట్ తీసేసాడు. నిన్న తన ఇన్‌స్టాగ్రామ్ స్టోరీలో సోషల్ మీడియా నుంచి దూరమవుతున్నాను అని పోస్ట్ పెట్టాడు. దీంతో కొన్నాళ్ళు ఏమి పోస్ట్ చేయకుండా దూరంగా ఉంటాడేమో అనుకున్నారు కానీ ఆ తర్వాత నుంచి అసలు విశ్వక్ సేన్ ఇన్‌స్టాగ్రామ్ అకౌంట్ కనపడట్లేదు. దీంతో మొత్తానికే విశ్వక్ సేన్ తన ఇన్‌స్టాగ్రామ్ అకౌంట్ ని తీసేశాడని తెలుస్తుంది. ట్విట్టర్ లో మాత్రం అకౌంట్ ఉంది కానీ వాడకపోవచ్చు.
సోషల్ మీడియాలో సినిమాలపై నెగిటివ్ రివ్యూలు ఇచ్చేవారిపై ఫైర్ అయ్యాడు విశ్వక్ సేన్. ఓ యూట్యూబర్ కల్కి సినిమా రిలీజ్ అవ్వకముందే నెగిటివ్ రివ్యూ ఇవ్వడంతో అతనికి సోషల్ మీడియాలో డైరెక్ట్ రిప్లై లు ఇస్తూ దమ్ముంటే ఒక షార్ట్ ఫిలిం తీయమని ఛాలెంజ్ కూడా విసిరాడు. అతను కూడా విశ్వక్ కి గట్టిగానే సమాధానం ఇచ్చాడు. ఓ రెండు రోజులు ఈ ఇష్యూ సోషల్ మీడియాలో హడావిడి చేసింది. ఆ ఇష్యూ జరిగిన తరవాతే ఇప్పుడు విశ్వక్ సేన్ సోషల్ మీడియా నుంచి మొత్తానికే దూరమవడంతో చర్చగా మారింది. దీంతో సోషల్ మీడియాలో విశ్వక్ అకౌంట్ ఏమైంది అంటూ పోస్టులు పెడుతున్నారు.
