Vamika : ప్రముఖ క్రికెటర్ విరాట్ కోహ్లీ.. బాలీవుడ్ నటి అనుష్క శర్మని ప్రేమించి వివాహం చేసుకున్న విషయం తెలిసిందే. ఈ దంపతులకి 2021 జనవరి 11న వామిక జన్మించింది. ఇప్పటివరకూ ఆమె ఫొటోలను ప్రపంచానికి విరాట్ కోహ్లీ-అనుష్క శర్మ చూపించలేదు. పాప ప్రైవసీని గౌరవించాలని.. ఆమె ఫొటోలు తీయవద్దని విరుష్క జోడి మీడియాకు పదే పదే విజ్ఞప్తి చేసింది. దక్షిణాఫ్రికా పర్యటనకు వెళ్లే ముందు కూడా విమానాశ్రయంలో కూడా కొందరు ఫొటోలు తీయగా.. వాటిని డిలీట్ చేయాలని కోహ్లీ సూచించాడు. తమ కూతురు ముఖాన్ని దాచేయాలని విరాట్ -అనుష్కలు ఎంత ప్రయత్నించిన కూడా ఏదో ఒక విధంగా పాప పిక్స్ బయట పడుతున్నాయి.
తాజాగా తన తల్లితో వామిక ఆడుకుంటున్న వీడియో నెట్టింట తెగ హల్ చల్ చేస్తుంది. ఇందులో వామిక చాలా క్యూట్ క్యూట్గా కనిపిస్తూ వారెవ్వా అనిపిస్తుంది. కోహ్లీ కూతురిని చూసి మురిసిపోతున్నారు. వామిక పేరు చాలా బాగుందని అప్పట్లో నెటిజన్స్ కామెంట్ చేశారు. వామిక అంటే దుర్గాదేవి అని అర్థం. శివుడిలో సగభాగమైన పార్వతీ దేవి (దుర్గాదేవి) మరోపేరు అది. స్త్రీ, పురుష సమానత్వం ప్రతిబింబించే పేరు వామిక. అర్ధనారీశ్వర రూపంలో శివుడు కుడి వైపు ఉంటే.. ఎడమ వైపు పార్వతి దేవి ఉంటారు. ఎడమ అంటే వామ అని అర్థం. అందుకే పార్వతిని వామిక అంటారు. ఆ పేరును కూతురికి పెట్టారు విరుష్క జంట.
అలాగే విరాట్ – అనుష్క పేర్లు కలిసేలా కూడా ఈ పేరు ఉండడం విశేషం. విరాట్లోని మొదటకి అక్షరం ‘వి’.. అనుష్క పేరులోని చివరి శబ్దం ‘క’ ఉండేలా గారాల పట్టి పేరు పెట్టారు.కూతురిని చాలా ఆప్యాయంగా చూసుకుంటూ సంతోషంగా గడుపుతున్నారు విరుష్క దంపతులు. పాప పుట్టిన తర్వాత అనుష్క సినిమాలకి పూర్తిగా దూరమైంది. ఇక విరాట్ కోహ్లీ ప్రస్తుతం వెస్టిండీస్ టూర్లో ఉన్నాడు. తొలి టెస్ట్ మ్యాచ్ లో హాఫ్ సెంచరీ కొట్టిన విరాట్ రెండో టెస్ట్ ఆడడం అనుమానంగానే ఉంది.
