Viral Video : సోష‌ల్ మీడియాలో జంతువులకి సంబంధించిన వీడియోలు తెగ హ‌ల్‌చల్ చేస్తుంటానే సంగ‌తి తెలిసిందే. ఒక్కోసారి కోళ్లు, కుక్క‌లు, పిల్లులు చేసే చేష్ట‌లు చాలా ఫ‌న్నీగా ఉండ‌డంతో వాటికి సంబంధించిన వీడియోలు నిమిషాల‌లో వైరల్ అవుతుంటాయి. జంతువులు ఏం చేసినా.. సామాజిక మాధ్యమాల్లో వాటికి విపరీతమైన ఆదరణ ఉంటుంది. పిల్లలైతే వాటిని ప‌దే ప‌దే చూస్తూ ఉంటారు. అలాంటి వీడియోనే ఇప్పుడు ఇంటర్నెట్‌లో నెటిజన్లను విపరీతంగా ఆకట్టుకుంటోంది. ఈ వీడియోలో కోతిని కోడి చంపేందుకు ప్ర‌య‌త్నిస్తున్న‌ట్టుగా క‌నిపిస్తుంది.
దేవుడి విగ్రహం దగ్గర కోతి మరియు కోడి పోట్లాడుకోవడం మ‌నం వీడియోలో గ‌మనించ‌వ‌చ్చు. ఒక కొండ అంచున ప్రశాంతంగా కూర్చుని ప్రకృతి అందాలను ఆస్వాదిస్తున్న కోతి వైపు కోడి దూసుకొచ్చింది. ఆ కోడి త‌న ముక్కుతో కోతిపై దాడి చేస్తూ కొండ చివ‌ర నుండి నెట్ట‌డానికి ప్ర‌య‌త్నిస్తుంది. కానీ కోతి కూడా దానిపై ఎదురు దాడి చేసింది. చెంప చెళ్లుమ‌నిపించింది. అయిన‌ప్ప‌టికీ కోడి దాడి చేస్తూనే ఉంది.
రెంరూ ఎవ‌రూ త‌క్కువ కాద‌న్న‌ట్టు పోరాడాయి. రెండింటి మ‌ధ్య జ‌రిగిన ఆస‌క్తిక‌ర పోరు నెటిజ‌న్స్ ని తెగ ఆక‌ట్టుకుంటుంది. ఈ క్లిప్‌ను ఇన్‌స్టాగ్రామ్‌లో animalsinthenaturetoday అనే పేజీ లో షేర్ చేయ‌గా, ఇప్ప‌టివ‌ర‌కు 160k వ్యూస్ ద‌క్కించుకుంది. సాధారణంగా జంతువులకి సంబంధించిన వీడియోల‌కు సోష‌ల్ మీడియాలో ఎంత హ్యూజ్ రెస్పాన్స్ వ‌స్తుందో ప్ర‌త్యేకంగా చెప్ప‌న‌క్క‌ర్లేదు.
View this post on Instagram
