Viral Pic : సోష‌ల్ మీడియా ప్రాముఖ్య‌త పెరిగాక సెల‌బ్రిటీల‌కు సంబంధించిన చిన్న‌నాటి ఫోట‌ల‌తో పాటు వారికి సంబంధించిన ప‌ర్స‌న‌ల్ విష‌యాలు కూడా తెగ హ‌ల్‌చ‌ల్ చేస్తున్నాయి. తాజాగా ఓ చిన్నారి ఫోటో సోష‌ల్ మీడియాలో చ‌క్క‌ర్లు కొడుతుంది. అందులో చిన్నారి చాలా ముద్దుగా క‌నిపిస్తుంది. క్యూట్‌గా ఉన్న ఈ చిన్నారిని చూస్తే ఎవ‌రైన ఠ‌క్కున గుర్తు ప‌డ‌తారు. ఆమె మ‌రెవ‌రో కాదు మ‌హాన‌టి సినిమాతో నేష‌న‌ల్ అవార్డ్ అంది పుచ్చుకున్న కీర్తి సురేష్. నేను శైలజ సినిమాతో తెలుగు తెరకు పరిచయమైన ఈ మలయాళీ ముద్దుగుమ్మ అచ్చమైన తెలుగు నటిగా ప్రేక్షకుల గుండెల్లో చోటు సంపాదించుకుంది.
ఇక మ‌హాన‌టి సినిమాలో సావిత్రి పాత్ర పోషించి తెలుగు ప్రేక్షకుల మ‌న‌సుల్లో చెర‌గ‌ని ముద్ర వేసుకుంది. గ్లామర్కు తావివ్వకుండా సినిమాలు చేస్తూ వచ్చిన కీర్తి సురేష్ హీరోయిన్ పాత్ర‌లే కాక లేడి ఓరియెంటెడ్ చిత్రాల‌లోను త‌న న‌ట‌న‌తో మెప్పించింది. అయితే ఆ సినిమాలన్ని అనుకున్నంతగా ఆకట్టుకోలేదు. రిజల్ట్ ఎలా ఉన్న తను మాత్రం హోమ్లీగా, బబ్లీగానే కనిపిస్తూ వచ్చింది. ప్రస్తుతం టాలీవుడ్ నుంచి రెండు సినిమాల్లో నటిస్తోంది కీర్తీ సురేష్. మెగాస్టార్ బోళా శంకర్ తో పాటు, నేచురల్ స్టార్ నానీ సరసన దసరా సినిమాలో ఆడిపాడబోతోంది.
ఒకప్పటి పాత చింతకాయ పచ్చడి ఫార్ములాను వదిలేసింది బ్యూటీ. ఈ మధ్య హాట్ హాట్ ఫోజులతో రచ్చ చేస్తోంది. స‌ర్కారు వారి పాట సినిమాలో త‌న గ్లామర్ షోకి గేట్లు ఎత్తింది. అప్పటి వరకూ తనలో దాచి ఉంచిన చిలిపితనాన్ని.. కొంటె కోణాన్ని కొంచెం కొంచెంగా పరిచయం చేస్తుంది. ఇప్పటి వరకూ కనిపించ‌కుండా చాటుగా దాచిన అందాలకు తెరలేపుతూ కుర్ర‌కారుకి కంటిపై కునుకు లేకుండా చేస్తుంది. సోష‌ల్ మీడియాలో కీర్తి సురేష్ షేర్ చేసే ఫొటోలు తెగ వైరల్ అవుతున్నాయంటే అతిశ‌యోక్తి కాదు.
