Viral Pic : కొంద‌రు చిన్న‌ప్పుడు ఎలా ఉంటారో, పెద్దయ్యాక కూడా దాదాపు అలానే క‌నిపిస్తారు. కొంద‌రి చిన్న‌నాటి పిక్స్ చూసి ఇట్టే గుర్తు ప‌ట్ట‌వ‌చ్చు. కాని మ‌రి కొంద‌రు మాత్రం చిన్న‌ప్పుడు ఒక‌లా పెద్దయ్యాక ఒక‌లా ఉంటారు. ఆ సమయంలో వారిని ఐడెంటిఫై చేయడం కాస్త ఇబ్బందే. అయితే పిక్ లో క‌నిపిస్తున్న ఈ చిన్నారి ఇప్పుడు స్టార్ హీరోయిన్ కాగా, ఆమె చిన్న‌ప్పుడు ఎలా ఉందో పెద్దయ్యాక కూడా అలానే క‌నిపిస్తుంది. తెలుగులో నటించింది తక్కువ సినిమాలే అయినా.. తనకంటూ ఓ గుర్తింపును మూటగట్టుకున్న ఆమె ఎవరో కాదు… మహాత్మ సినిమాలో శ్రీకాంత్ కు జోడిగా నటించిన భావన మీనన్.
భావన మీనన్ మహాత్మ మూవీతో పాటు తెలుగులో ఒంటరి, హీరో, నిప్పు వంటి చిత్రాల్లో సైతం నటించి తన నటనతో ఆకట్టుకుంది. అయితే ఈ హీరోయిన్ ప్రస్తుతం కన్నడ, తమిళ్, మళయాళం చిత్రాల్లో నటిస్తూ తెగ బిజీగా మారిపోయింది. అయితే ఈ అమ్మ‌డు సినిమాల‌తో పాటు ప‌లు వివాదాల‌తోను హాట్ టాపిక్‌గా నిలుస్తూ ఉంటుంది. 2017 ఫిబ్రవరి 17న షూటింగ్‌ ముగించుకొని ఇంటికి వెళ్తున్న సమయంలో హీరోయిన్ భావనను కిడ్నాప్ చేసి లైంగిక వేధింపులకు గురి చేయడం అప్పట్లో సంచలనం సృష్టించిన సంగతి తెలిసిందే. ఈ కేసులో రెండు నెలల జైలు శిక్ష తర్వాత దిలీప్‌ కుమార్‌ బెయిల్‌పై విడుదలయ్యాడు.
ఇటీవ‌ల దిలీప్‌, అతని సోదరుడు అనూప్‌, బంధువు సూరజ్‌తోపాటు ఇతర కుటుంబ సభ్యులపై నాన్‌ బెయిలబుల్‌ కేసు నమోదు చేశారు కేరళ పోలీసులు. అయితే భావన తన వ్యక్తిగత జీవితంలో జరిగిన అత్యంత వివాదాస్పద సంఘటన గురించి మాట్లాడుతూ.. 2017లో ఒక సినిమా షూటింగ్‌ని పూర్తి చేసుకుని భావన తన ఇంటికి తిరిగి వస్తున్నప్పుడు, ఆమెను కిడ్నాప్ చేసి 2 గంటలకు పైగా దాడి చేశారట. నేరం చేసింది నేను కానప్పటికీ, నన్ను అవమానపరచడానికి, మౌనంగా ఉంచడానికి, ఒంటరిగా చేయడానికి చాలా ప్రయత్నాలు జరిగాయని భావ చెప్పింది.. అయితే న్యాయం కోసం ఈ పోరాటంలో నేను ఒంటరిగా లేనని నాకు తెలుసు. నాతో పాటు నిలబడిన వారందరికీ మీ ప్రేమకు హృదయపూర్వక ధన్యవాదాలు ” అంటూ కొద్ది రోజుల క్రితం తన పోస్ట్‌లో పేర్కొంది భావన.
