Vikramarkudu Child Artist : విక్ర‌మార్కుడు చైల్డ్ ఆర్టిస్ట్ ఇప్పుడు ఎంత క్యూట్‌గా మారిందో చూడండి..!

Vikramarkudu Child Artist : ర‌వితేజ కెరీర్‌లో బిగ్గెస్ట్ హిట్‌గా నిలిచిన చిత్రం విక్ర‌మార్కుడు. 2006 జూన్ 23న విడుదలైంది విక్రమార్కుడు. సింహాద్రి, సై, ఛత్రపతి లాంటి సంచలన విజయాలతో దూసుకుపోతున్న సమయంలో దర్శక ధీరుడు తన తర్వాతి సినిమా కోసం రవితేజను తీసుకున్నాడు. అలా విక్రమార్కుడు కాంబినేషన్‌కు బీజం పడింది. రవితేజ ద్విపాత్రాభినయం చేసిన విక్రమార్కుడు సంచలన విజయం సాధించింది. అప్పటి వరకు రూ.20 కోట్ల మార్కెట్ లేని రవితేజకు ఈ సినిమాతో అది వచ్చేసింది. స్టార్ నుంచి సూపర్ హీరోగా మారిపోయాడు మాస్ రాజా. సెకండాఫ్‌లో వచ్చే విక్రమ్ సింగ్ రాథోడ్ కారెక్టర్ అయితే అదిరిపోతుంది. విక్రమ్ కారెక్టర్ చనిపోయిన తర్వాత వచ్చే అత్తిలి సత్తిబాబు పాత్ర కూడా పిచ్చెక్కిస్తుంది. జింతాక్ తాక్ అంటూ కామెడీతో నవ్వించి చంపేశాడు సత్తిబాబు.

ఇక ఇందులో మ‌రో ఇంపార్టెంట్ పాత్ర పోషించింది ఓ చిన్నారి. చిన్న త‌నంలోనే త‌ల్లిని కోల్పోవ‌డంతో ఎప్పుడూ త‌న త‌ల్లి పాడిన జోల పాట‌ను వినుకుంటూ ఉంటుంది. ఆ చిన్నారి ఎమోష‌న‌ల్ సీన్స్ ప్రతి ఒక్కరినీ చాలా ఎమోష‌న‌ల్ అయ్యేలా చేశాయి. కాగా ఆ చిన్నారి పేరు నేహా తోట‌. రామ్ గోపాల్ వ‌ర్మ ద‌ర్శ‌క‌త్వంలో వ‌చ్చిన ర‌క్ష సినిమాలో న‌టించి అంద‌ర్నీ ఆక‌ట్టుకున్న ఈ చిన్నారి రాముడు, అన‌సూయ లాంటి సినిమాల‌లో కూడా న‌టించి అల‌రించింది. స్ట‌డీస్ కోసం త‌ర్వాత సినిమా ప‌రిశ్ర‌మ‌కు దూరంగా ఉంది. అయితే ప్ర‌స్తుతం ఎంబీఏ పూర్తి చేసిన నేహ త‌ళుక్కున మెరిసింది.

ఈ పిక్ లో నేహా గుర్తు ప‌ట్ట‌రాన‌ట్టుగా ఉంది. చాలా అందంగా, హీరోయిన్ మాదిరిగా ఈ ముద్దుగుమ్మ క‌నిపిస్తుంది. చూస్తుంటే రానున్న రోజుల‌లో ఈ అమ్మ‌డు హీరోయిన్‌గా మారినా ఆశ్చ‌ర్య‌పోన‌క‌ర్లేదు అని అంటున్నారు. ఇదిలా ఉంటే విక్ర‌మార్కుడు సినిమా షూటింగ్ స‌మ‌యంలో ఓ ఆస‌క్తిక‌ర సంఘ‌ట‌న చోటు చేసుకుంది. సినిమా కోసం ఓ క్వారీలో షూట్ చేస్తున్నపుడు అక్కడ పనిచేసే కొంతమంది కూలీలు తమకు ఈ రోజు పని లేకుండా చేశారంటూ యూనిట్ సభ్యులపైకి రాళ్ళు విసిరారు. అప్పట్లో అది సంచలనం రేపింది. ఈ దాడిలో కొందరు యూనిట్ సభ్యులు గాయపడ్డారు కూడా.