Vijayashanti : చిన్నవయసులోనే వెండితెరంగేట్రం చేసిన నటి విజయశాంతి. గ్లామరస్ పాత్రలతో మొదలై.. లేడీ ఓరియంటెడ్ పాత్రలకే వన్నెతెచ్చిన హీరోయిన్. ఇండియన్ సినిమా హిస్టరీలో లేడీ సూపర్ స్టార్ అనిపించుకున్న ఏకైక నటి. నేటి భారతం తర్వాత విజయశాంతి ప్రస్థానం ప్రతి హీరోయిన్ కుళ్లుకునేలా సాగిందంటే అతిశయోక్తి కాదు. అప్పటి హీరోయిన్లంతా కేవలం గ్లామర్ కే పరిమితమైతే అటు గ్లామర్ ను, ఇటు పర్ఫార్మెన్స్ ను చూపించి ఆల్ రౌండర్ అనిపించుకుంది.
ఓసేయ్ రాములమ్మా తెలుగు రాష్ట్రాన్ని ఓ ఊపు ఊపేసి.. అప్పటి వరకూ ఉన్న అన్ని రికార్డున్నీ బద్దలు కొట్టింది. సినిమాలకు గుడ్ బై చెప్పాక రాములమ్మ రాజకీయాలకు ప్రాధాన్యం ఇస్తుంది. అయితే సరిలేరు నీకెవ్వరు సినిమాతో చాలారోజుల తర్వాత స్క్రీన్ పై కనిపించింది లేడీ సూపర్ స్టార్. ఇక విజయశాంతి వ్యక్తిగత విషయానికి వస్తే.. విజయశాంతి భ‌ర్త శ్రీ‌నివాస్ ప్ర‌సాద్, గ‌ణేష్‌రావుకు స్వ‌యాన మేన‌ల్లుడు. ఈయ‌న హీరో బాల‌కృష్ణ స్నేహితులు. వీరి స్నేహంతోనే బాల‌య్య‌తో ఓ సినిమాను నిర్మిచాల‌నుకున్నారు.
ఇక బాల‌కృష్ణ‌తో యువ‌ర‌త్న ఆర్ట్స్ స్థాపించి ఏ.కోదండ‌రామిరెడ్డి ద‌ర్శ‌క‌త్వంలో నిప్పుర‌వ్వ సినిమాను చిత్రీక‌రించారు. అందులో హీరోయిన్‌గా ప‌లువురి పేర్ల‌ను ప‌రిశీలించిన‌ప్ప‌టికీ చివ‌ర‌కు విజ‌య‌శాంతిని ఎంపిక చేశారు. ఆ చిత్రంలో న‌టించేందుకు ప్ర‌సాద్ స్వ‌యంగా విజయశాంతి వ‌ద్ద‌కు వెళ్లారు. అలా వారి మ‌ధ్య ప‌రిచ‌యం కాస్త ప్రేమ‌గా మారి పెళ్లికి దారి తీసింది. ఈయ‌న నిర్మాత‌గా బాల‌య్య‌తో క‌లిసి నిప్పుర‌వ్వ సినిమాను తెర‌కెక్కించారు. ఈ సినిమా బాక్సాఫీస్ వ‌ద్ద యావ‌రేజీగా నిలిచింది. బాల‌య్య విజయశాంతి కాంబోలో వ‌చ్చిన చివ‌రి సినిమా ఇదే కావ‌డం విశేషం.
