Vijay Sethupathi Son : విలన్‌, హీరో, క్యారెక్టర్‌ ఏ పాత్ర ఇచ్చినా.. తనని తాను మార్చుకుని అందుకు తగ్గట్టుగా నటించి అభిమానుల గుండెల్లో ప్ర‌త్యేక స్థానం సంపాదించుకున్నాడు విజయ్ సేతుపతి. ఇప్పుడు ఆయ‌న తమిళంలోనే కాక తెలుగు, ఇత‌ర భాష‌ల‌లో కూడా న‌టిస్తున్నాడు. విజయ్ సేతుప‌తికి ఇండ‌స్ట్రీలో మంచి క్రేజ్ ఉంది.పాన్ ఇండియా రేంజ్‌లో క్రేజ్ ఉన్న తమిళ నటుడు, హీరో విజయ్ సేతుపతి త్వ‌ర‌లో తన కుమారుడిని కూడా ఇండ‌స్ట్రీకి తీసుకురావాల‌ని ప్లాన్ చేస్తున్నాడు. 2003లో విజయ్ సేతుపతి జెస్సీ అనే అమ్మాయిని ప్రేమ వివాహం చేసుకోగా, వీరికి అబ్బాయి, అమ్మాయి సంతానం. అబ్బాయి పేరు సూర్య కాగా… హీరోగా ఎంట్రీ ఇచ్చేందుకు సిద్ధం అవుతున్నాడు.
కుమారుడు సూర్య హీరోగా పరిచయం కాబోతోన్నాడు. అయితే తండ్రి పేరు చెప్పుకుని ఎదగాలని తాను భావించడంలేదట. విజయ్ సేతుపతి హిట్ చిత్రాల్లో ఒకటైన నానుమ్ రౌడీదాన్ చిత్రంలో సూర్య పాత్ర చేయ‌గా,అందులో మ‌నోడిది చిన్న పాత్ర. ఇప్పుడు ఫుల్ లెంగ్త్ రోల్ చేయాలని అనుకుంటున్నాడు. సింధుబాద్ మూవీలో సూర్య ఫుల్ లెంగ్త్ రోల్ చేశాడు. ఈ చిత్రంలో కూడా విజయ్ సేతుపతి హీరోగా నటించాడు. బాల్యంలోనే తన నటనతో ఆకట్టుకున్నాడు సూర్య. కొంచెం గ్యాప్ ఇచ్చి హీరోగా ప్రేక్షకులను పలకరించనున్నాడు. గ‌త ఏడాది పూజా కార్య‌క్ర‌మాలు జ‌ర‌గ‌గా, ఈ మూవీకి టైటిల్ ఫీనిక్స్ అని పెట్టిన‌ట్టు స‌మాచ‌రం.. అవుట్ అండ్ అవుట్ యాక్షన్ ఎంటర్టైనర్ గా తెరకెక్కుతున్నట్లు సమాచారం. స్టంట్ మాస్టర్ ఏఎన్ఎల్ అరసు ఈ చిత్ర దర్శకుడు. ఫీనిక్స్ టైటిల్ లోగో ఆకట్టుకుంది.
. యాక్షన్, స్పోర్ట్స్, డ్రామా… ఇలా అనేక ఎలిమెంట్లతో ఈ చిత్రం ఉండబోతోందట. ఈ చిత్రాన్ని బ్రేవ్ మ్యాన్ పిక్చర్స్ ప్రొడక్షన్ సంస్థ నిర్మిస్తోంది.తనకంటూ ప్రత్యేకమైన మార్క్ క్రియేట్ చేయాలని అనుకుంటున్నాడట. అందుకే తన పేరును సూర్య విజయ్ సేతుపతి అని కాకుండా కేవలం సూర్య అని మాత్రమే ఫిలిం మేకర్స్ పేర్కొంటున్నారని చెప్పాడు. తాను హీరోగా పరిచయం అవుతుండడం పట్ల తన తల్లిదండ్రులు హర్షం వ్యక్తం చేస్తున్నారని సూర్య తెలిపాడు.
