Upasana : మెగా పవర్ స్టార్ రామ్ చరణ్ సతీమణి ఉపాసన గురించి ప్ర‌త్యేకంగా చెప్ప‌న‌క్క‌ర్లేదు. ప్రముఖ వ్యాపార వేత్త, అపోలో హాస్పిటల్స్ గ్రూప్ చైర్మన్ డాక్టర్ ప్రతాప్ సి రెడ్డి మనమరాలు ఉపాసన. ఆమె తల్లిదండ్రులు శోభ కామినేని, అనిల్ కామినేని. చిన్న వయసునుంచే వ్యాపార సామ్రాజ్య సంగతులను నేర్చుకున్నారు. పదిహేనేళ్ళ వ‌య‌స్సులోనే “యు ఎక్సేంజ్” సేవా సంస్థను నెలకొల్పి పాత స్కూల్ పుస్తకాలను సేకరించి.. పేద పిల్లలకు అందించే వారు ఉపాన‌స‌న. అంతేకాదు మురికివాడల్లో అనారోగ్యంతో బాధపడుతున్న చిన్నారులకు అపోలో హెల్త్ సిటీలో చికిత్స అందించి మంచి మ‌న‌సు చాటుకుంది.
పాతికేళ్లకే ఒత్తిడితో కూడిన బాధ్యతలు తీసుకొని అంద‌రిని ఆశ్చ‌ర్య‌ప‌ర‌చింది ఉపాసన. ప్రపంచంలోనే అతిపెద్ద ప్రైవేట్ హాస్పిటల్ గ్రూప్ లలో మూడవ స్థానంలో ఉన్న అపోలో హాస్పిటల్ కి సంబంధించిన మేనేజ్మెంట్ పనులను ఉపాసన దగ్గరుండి చూసుకుంటుంది.అపోలో చారిటీకి వైస్ ప్రెసిడెంట్ గా వ్యవహరిస్తున్నారు. అయితే తాజాగా అపోలో ఆసుప‌త్రిలో ఏర్పాటు చేసిన ఫుడ్ లాంజ్ ఓపెనింగ్‌కి విజ‌య్ దేవ‌ర‌కొండ హాజ‌రు కాగా, అక్క‌డ విజ‌య్‌ని చూసి ఉపాసన ఫుల్ ఖుష్ అయింది. అయితే ఫుడ్ లాంజ్ లో మాములు బోజ‌నం కాకుండా ఆర్గానిక్ ఫుడ్ దొరుకుతుంద‌ని ఈ అమ్మ‌డు చెప్పుకొచ్చింది.
రైతులు ఆర్గానిక్ ఫుడ్ ఎలా పండించాలో కూడా తన సూచ‌న‌ల ద్వారా తెలియ‌జేస్తానంటుంది. అయితే తన ఆసుప‌త్రిలో ఫుడ్ లాంజ్ కార్య‌క్ర‌మానికి విజ‌య్ దేవ‌ర‌కొండ వ‌చ్చినందుకు చాలా సంతోషించింది ఉపాసన. ఇక జులైలో ప్రసవం కానుందట ఉప్సీ. ఈ విషయాన్ని ఉపాసననే స్వయంగా తెలిపారు. ‘ప్రతి తల్లిదండ్రుల లాగానే మేం కూడా ఎంతో ఎక్సైటెడ్‌గా ఉన్నాం.’ అని ఉపాసన పేర్కొన్నారు. అలాగే తను గర్భంతో ఉన్నప్పుడు భర్త రామ్ చరణ్ ఎంత సపోర్ట్ చేశాడో కూడా చెప్పారు. ‘పుట్టబోయే బిడ్డకు పూర్తి స్వేచ్చని ఇస్తాం. అయితే దాంతో పాటు గైడ్ లైన్స్, బాధ్యతలు కూడా ఉంటాయి. ఎందుకంటే కొన్నిసార్లు స్టార్‌డమ్‌తో పాటు కొండంత బాధ్యత కూడా వస్తుంది. దాని విలువ దానికి ఇవ్వాల్సిందే అని ఆమె చెప్పుకొచ్చింది.
