Venkatesh : విక్ట‌రీ వెంకటేష్ ఒక‌ప్ప‌టి టాలీవుడ్ టాప్ హీరోల‌లో ఒక‌రు. ఇప్ప‌టికీ కూడా ఆయ‌న మంచి విజ‌యాలు సాధిస్తూ ప్రేక్ష‌కుల‌ని ఎంత‌గానో అల‌రిస్తున్నారు. ప్ర‌స్తుతం వెంకీ మామ సైంథవ్ అనే చిత్రం చేస్తున్నారు. హిట్ ఫేం శైలేష్ కొలను ఈ చిత్రానికి దర్శకత్వం వహించారు. శ్రద్ధా శ్రీనాథ్‌, రుహానీ శర్మ, నవాజుద్దీన్ సిద్దిఖీ, కోలీవుడ్‌ యాక్టర్ ఆర్య తదితరులు నటించారు. జనవరి 13వ తేదీన విడుదల కాబోతోంది. వాస్తవానికి డిసెంబరు 22నే విడుదల చేయాల్సి ఉన్నప్పటికీ ఆరోజు సలార్, 21న డంకీ ఉండటంతో ఈ సినిమాను సంక్రాంతికి రిలీజ్ చేస్తున్నారు. ఈ చిత్రాన్ని భారీ ఎత్తున రిలీజ్ చేసే ప్లాన్ చేస్తున్నారు. తెలుగుతోపాటు తమిళం, కన్నడం, మళయాళం, హిందీ భాషల్లో కూడా విడుదల చేస్తున్నారు.
గుంటూరు, విజయవాడ పట్టణాల్లో సెకండ్ సింగిల్ లాంఛ్ ఈవెంట్ ను నిర్వహిస్తున్నారు. మధ్యాహ్నం 2.00 గంటలకు గుంటూరుకు సమీపంలోని వీవీఐటీ కళాశాలలో, సాయంత్రం 5.00 గంటలకు విజయవాడకు సమీపంలోని కేఎల్ యూ యూనివర్సిటీలో విద్యార్థుల మధ్య సాంగ్ ను విడుదల చేయబోతున్న‌ట్టు ముందుగానే ప్ర‌క‌టించారు. అయితే సినిమా ప్ర‌మోష‌న్‌లో భాగంగా విజ‌య‌వాడ‌కి వచ్చిన వెంకటేష్.. స్థానిక బాబాయ్ హోటల్ వద్దకు కారులో చేరుకొని . అక్కడే టిఫిన్ చేస్తున్నవారిని ఏం టిఫిన్ టేస్టీగా ఉందని అడిగి తెలుసుకున్నారు. వారు ఇడ్లీ అని చెప్పడంతో.. ఓనర్ వద్దకు వెళ్లి నాక్కూడా ఓ ప్లేట్ ఇడ్లీ ఇవ్వండమ్మా అంటూ సరదాగా మాట్లాడారు.
ఆయన్ను చూడగానే అభిమానులు ఆనందంతో షేక్ హ్యాండ్స్ ఇచ్చారు. అందరినీ వెంకీ మామ.. ఆప్యాయంగా పలకరించారు. వారితో పాటే ఓ టేబుల్‌పై కూర్చొని ఇడ్లీ ఆరగించారు. అంత పెద్ద స్టార్ హీరో వచ్చి తమతో టిఫిన్ చేయడం.. తమతో కలిసిపోవడం చూసిన అభిమానులు సంతోషం వ్యక్తం చేశారు. ఇదంతా జరుగుతుండగా.. డైరెక్టర్ శైలేష్ కొలను వీడియో తీయడం కొసమెరుపు. ఈ వీడియో సోషల్ మీడియాలో వైరల్ అవుతోంది. సైంధవ్ గ్లింప్స్ వీడియో సినిమాపై అంచనాలను పెంచేసింది. నిహారిక ఎంటర్ టైన్ మెంట్ బ్యానర్ పై వెంకట్ బోయనపల్లి తెరకెక్కిస్తున్నారు. సంగీతం సంతోష్ నారాయణన్.
