Venkatesh : విక్టరీ వెంకటేష్ గురించి ప్ర‌త్యేక ప‌రిచ‌యం అక్క‌ర్లేదు. ఆయ‌న ఫ్యామిలీ చిత్రాలు చేసి ప్రేక్ష‌కుల‌ని ఎంత‌గానో అల‌రించాడు. ఫ్యామిలీ స్టార్‌గా ప్ర‌త్యేక గుర్తింపు తెచ్చుకున్నాడు. ఎలాంటి వివాదాలకు చోటు లేకుండా కెరీర్ ని క్లీన్ గా నడిపిస్తున్న హీరోల్లో విక్టరీ వెంకటేష్ ని ఫ్యాన్స్ ముద్దుగా వెంకీ మామ అని పిలుస్తున్నారు. వెంకటేష్ చేసిన ఫ్యామిలీ చిత్రాలు ఒకప్పుడు ఆడియన్స్ ని ఉర్రూతలూగించాయి. వెంకటేష్ తన పని తాను చేసుకుని నేరుగా ఇంటికి వెళ్లిపోయే రకం. అయితే నారప్ప మూవీ ప్ర‌మోష‌న్ సమయంలో వెంకటేష్ సౌందర్య గురించి చేసిన వ్యాఖ్య‌లు ఇప్పుడు నెట్టింట వైరల్ గా మారాయి. పవిత్ర బంధం సినిమాలో సౌందర్య కాళ్లను పట్టుకున్న పోస్టర్ రిలీజైన సమయంలో ఇలాంటి సినిమాలు చూడరంటూ కామెంట్లు చేశారని వెంకటేష్ చెప్పుకొచ్చారు.
స్క్రిప్ట్ ను నమ్మి సినిమాలు చేస్తే ప్రేక్షకులకు కొత్త కథలు తెరపై చూసే అవకాశం అయితే కలుగుతుందని వెంకటేష్ చెప్పుకొచ్చారు.క్యారెక్టర్ ను బట్టి మనం మారాలని హీరో ఎలివేషన్లు ఉన్న సినిమాలు మాత్రమే చేయాలని అనుకోవడం కరెక్ట్ కాదని వెంకటేష్ అన్నారు. నారప్ప లాంటి సినిమాలు అరుదుగా వస్తాయని వెంకటేష్ చెప్పుకొచ్చారు.నారప్పలో చెప్పులు విప్పి కాళ్ల మీద పడే సీన్ ఒకటి ఉంటుంది.ఇలాంటి సన్నివేశాలు హీరో చేస్తే బాగుంటుందా.? అని మనం ఆలోచిస్తామని వెంకటేష్ వెల్లడించారు.కంటెంట్ బాగుండి సీన్ డిమాండ్ చేస్తే అలాంటి సినిమాలు చేయడం తప్పు లేదని వెంకటేష్ చెప్పుకొచ్చారు. ఇలాంటి సినిమాలను వదులుకోకూడదని వెంకటేష్ అన్నారు.
వెంకటేష్, ప్రియమణి, కార్తీక్ రత్నం, గీతాకృష్ణ, రాజీవ్ కనకాల, రావు రమేష్, నాజర్ వంటి వాళ్ళు నారప్ప చిత్రంలో నటించారు. ధనుష్ నటించిన అసురన్ మూవీకి రీమేక్ గా వచ్చినప్పటికీ ఒరిజినల్ అనేది చెడిపోకుండా చాలా అద్భుతంగా చేశారు. ఒక రకంగా చెప్పాలంటే ఇదే ఒరిజినల్ అన్నట్టు చేశారు. వెంకటేష్ చేసే రీమేక్ లు అలానే ఉంటాయి. ఒరిజినల్ ని మర్చిపోయేలా చేస్తారు. ఒరిజినల్ ని చెడగొట్టకుండా ఈ మూవీని తెరకెక్కించడంలో శ్రీకాంత్ అడ్డాల పాత్ర కూడా చాలా ఉంది. ఈ మూవీలో నారప్పకి ఇద్దరు కొడుకులు. పెద్ద కొడుకు మునికన్నగా కార్తీక్ రత్నం నటించగా.. చిన్న కొడుకు సీనప్పగా గీతాకృష్ణ నటించాడు. సినిమాలో ఈ చిన్నోడి క్యారెక్టరే హైలైట్.
