Venkatesh : కోలీవుడ్ స్టార్ హీరోలు రాఘవా లారెన్స్ , ఎస్‌జే సూర్య లీడ్‌ రోల్స్‌లో నటిస్తున్న చిత్రం జిగర్‌ తండ డబుల్ ఎక్స్ . ఈ మూవీకి కోలీవుడ్ డైరెక్టర్‌ కార్తీక్ సుబ్బరాజు దర్శకత్వం వ‌హిస్తున్నాడు. ఇప్ప‌టికే ఈ సినిమా నుంచి విడుద‌ల చేసిన ఫ‌స్ట్ లుక్‌తో పాటు జిగర్తాండ 2 టీజర్‌, ట్రైల‌ర్‌ల‌కు మంచి రెస్సాన్స్ రాగా, సినిమాపై కూడా అంచ‌నాలు భారీగా ఉన్నాయి. ఈ సినిమా నవంబర్ 10న గ్రాండ్‌గా విడుద‌ల కానుంది. ఇక ఈ సినిమా ప్రమోషన్స్ లో భాగంగా తెలుగులో రీసెంట్‌గా ప్రీ రిలీజ్ ఈవెంట్ నిర్వ‌హించారు. ఈ వేడుకకు టాలీవుడ్ స్టార్ హీరో ద‌గ్గుబాటి వెంకటేష్ ముఖ్య అతిథిగా వ‌చ్చాడు. ఈ సినిమా ప్రీ రిలీజ్ ఈవెంట్‌లో రాఘవ లారెన్స్, వెంకటేష్ కలిసి డ్యాన్స్ చేశారు.
వెంకటేష్ న‌టించిన ఆల్ టైమ్ బ్లాక్ బ‌స్ట‌ర్ ప్రేమించుకుందాం రా సినిమాలోని ఐకానిక్ సాంగ్ పెల్లికళ వచ్చేసిందే బాలా.. పల్లకిని తెచ్చేసిందే బాలా.. హడావిడిగా రెడీ అవుదాం చలో లైలా.. అంటూ సాగే పాటకు ఇద్దరు కలిసి స్టెప్పులు వేశారు. ఇక ఈ పాటకు కొరియోగ్రాఫర్‌గా చేసిన లారెన్స్ డ్యాన్స్ వేస్తూ.. వెంకటేష్‌ని కూడా పిలువ‌గా వెంకీ కూడా లారెన్స్‌తో కలిసి త‌న సిగ్నేచర్ స్టెప్ వేశారు. ఇక వెంకటేష్ మాట్లాడుతూ..“నా కెరీర్‌లో అత్యుత్తమ నంబర్‌ని అందించినందుకు లారెన్స్‌కి ధన్యవాదాలు. కొరియోగ్రాఫర్‌ స్థాయి నుంచి ఇప్పుడు టాప్‌ యాక్టర్‌గా ఎదిగారు. ఎస్‌జే సూర్యకు ఎనర్జీ ఉందని, నా ఫ్రెండ్ పవన్ కళ్యాణ్ ఖుషి’ సినిమాకు దర్శకత్వం వహించినప్పటి నుంచి ఆయన తనకు తెలుసని వెంకటేష్ అన్నారు.
ఎస్‌జే సూర్య నటీనటుల నుండి గొప్ప నటనను వెలికితీస్తారు. ఇంతకుముందు ఓ సినిమాకు పని చేయాలని అనుకున్నాం. అతను అద్భుతమైన హాస్యాన్ని కలిగి ఉన్నాడు మరియు అతను నటుడిగా చాలా ఎదిగారు. ఆయ‌న‌తో కలిసి పని చేయాలని అనుకుంటున్నాను అని అన్నారు. ఇక ఈవెంట్‌లో కార్తీక్ సుబ్బరాజ్‌ని ప్రశంసలతో ముంచెత్తారు. ఈ ప్రశంసలతో వెంకీ వీరాభిమానుల్లో ఎందుకనే అనుమానం మొదలైంది. వెంకీ కోసం కార్తీక్ సుబ్బరాజు ఏమైనా స్క్రిప్ట్ రెడీ చేస్తున్నారా? అనే అనుమానాలు తలెత్తాయి. రెడీ చేస్తున్నారో లేదో కానీ కార్తీక్ సుబ్బరాజుతో పని చేయాలనే కోరిక వెంకీ మనసులో బలంగా ఉందని టాక్ మొదలైంది.
