Varun Tej : మెగా బ్ర‌దర్ నాగ‌బాబు త‌న పిల్ల‌ల‌ని చాలా గారాబంగా పెంచారు. ముఖ్యంగా నిహారిక‌ని చిన్న‌ప్ప‌టి నుండి అల్లారు ముద్దుగా పెంచుకున్నారు.ఆమె కోరుకున్న‌వ‌న్నీ లేద‌నకుండా ఇచ్చారు. ఇక తాను కోరుకున్నట్టు పెళ్లి దాదాపు 50 కోట్ల రూపాయాల‌తో అట్ట‌హాసంగా జ‌రిపించాడు. అయితే ప‌ట్టుమ‌ని రెండేళ్లు కూడా కాకుండానే విడాకులు ఇచ్చింది నిహారిక. ఇక అప్ప‌టి నుండి నిహారిక‌పై ఆమె కుటుంబ స‌భ్యులు చాలా గుర్రుగా ఉన్న‌ట్టు తెలుస్తుంది. నాగ‌బాబు ఇప్ప‌టికీ మాట్లాడ‌డం లేద‌ని కొంద‌రు అంటున్నారు. ఇక నిహారిక తాజాగా వరుణ్ తే్జ మూవీ పూజా కార్య‌క్ర‌మాల‌కి హాజ‌రు కాగా, అక్క‌డ ఆమెని సీరియ‌స్‌గా చూశాడు. తానే ఏం చేయ‌లేద‌న్న‌ట్టు నిహారిక ఎక్స్ ప్రెష‌న్ ఇచ్చింది.ఇందుకు సంబంధించిన వీడియో నెట్టింటవైర‌ల్‌గా మారింది.
ఇక మెగా ప్రిన్స్ ప్రిన్స్ వరుణ్ తేజ్ ఓ వైపు గాంఢీవధారి అర్జునను సిద్ధం చేస్తూనే మరో వైపు కొత్త సినిమాలకు కమిట్‌మెంట్లు ఇచ్చేస్తున్నాడు. రెండు సినిమాలను ఆల్రెడీ సెట్స్‌ మీద ఉంచిన వరుణ్ ఇప్పుడు మరో సినిమాను సిద్ధం చేశాడు. కరుణ్ కుమార్‌ దర్శకత్వంలో ఓ పీరియాడిక్‌ సినిమాను గురువారం గ్రాండ్‌గా లాంచ్‌ చేశాడు. ఈ మేరకు చిత్రబృందం టైటిల్‌ పోస్టర్‌ను రిలీజ్‌ చేశారు. ఈ సినిమాకు మట్కా అనే టైటిల్‌ను ఫిక్స్‌ చేశారు. నోట్ల కట్టల మధ్య రాయల్‌ కారును చూపిస్తూ పోస్టర్‌ను ఆసక్తికరంగా డిజైన్‌ చేశారు.మోహన్ చెరుకూరి, డాక్టర్ విజేందర్ రెడ్డి తీగల ఈ సినిమాని భారీ బడ్జెట్ తో నిర్మిస్తున్నారని తెలిసింది.
మట్కా చిత్రం కథ ఒక పీరియడ్ డ్రామాగా ఉంటుందని ముందే చెప్పారు. విశాఖపట్నం నేపథ్యంలో సాగే కథ ఇది అని అందుకని, విశాఖపట్నంలో కూడా షూటింగ్ జరపబోతున్నట్టుగా కూడా తెలిసింది. ఈరోజు జరిగిన ముహూర్త సన్నివేశానికి పరిశ్రమకి చెందిన అతిరథ మహారధులు అందరూ విచ్చేసి ఈ సినిమా నిర్మాతలకి, కథానాయకుడికి, అలాగే దర్శకుడికి తమ శుభాకాంక్షలు అందించారు. అల్లు అరవింద్ ,దిల్ రాజు, హరీష్ శంకర్, మారుతీ, అగ్ర నిర్మాత సురేష్ బాబు ఈ పూజ కార్యక్రమానికి విచ్చేసి కొత్త సినిమా నిర్వాహకులకు శుభాకాంక్షలు తెలిపారు. అలాగే వరుణ్ తేజ్ చెల్లెలు నిహారిక కొణిదెల కూడా పూజా కార్యక్రమంలో పాల్గొని సంద‌డి చేసింది.
