Upasana : టాలీవుడ్ మోస్ట్ లవబుల్ కపుల్స్ లో ఉపాసన రామ్ చరణ్ జంట ఒకటి. పదకొండేళ్ల వివాహం తర్వాత ఈ జంట జూన్ 20న పండంటి బిడ్డకు జన్మనిచ్చారు. ఇక జూన్ 23న హైదరాబాద్లోని అపోలో హాస్పిటల్ నుంచి ఉపాసన డిశ్చార్జ్ అయ్యారు. ఈ సందర్బంగా రామ్ చరణ్, ఉపాసన దంపతులు తమకు పుట్టిన బిడ్డను మీడియాకు చూపించారు. కూతురిని చేతులో ఎత్తుకొని భార్య ఉపాసనతో కలిసి చరణ్ హాస్పిటల్ బయటకు వచ్చారు. వారి వెంట రామ్చరణ్ తల్లి సురేఖతో పాటు అత్తయ్య శోభన కామినేని కనిపించారు.
రామ్చరణ్, ఉపాసన దంపతులు హాస్పిటల్ నుంచి బయటకు వస్తోన్న వీడియో సోషల్ మీడియాలో తెగ చక్కర్లు కొట్టింది. ఇక తన చేతిలో బిడ్డను ఇచ్చి ఉపాసనని పంపిపించిన చరణ్ ఆ తర్వాత మీడియాతో మాట్లాడారు. ఈ రోజే హాస్పిటల్ నుంచి డిశ్చార్జ్ అయ్యి ఇంటికి వెళుతోన్నట్లు చరణ్ పేర్కొన్నాడు. డాక్టర్లు తీసుకున్న కేర్తో పాటు అభిమానుల ప్రార్ధనల వల్ల ఉపాసనతో పాటు కూతురు క్షేమంగా ఉన్నట్లు రామ్చరణ్ చెప్పుకొచ్చారు. . కూతురికి ఏం పేరు పెట్టబోతున్నారని అడిగిన ప్రశ్నకు తాను ఉపాసన కలిసి ఓ పేరును ఆల్రెడీ డిసైడ్ చేశామని, 21వ రోజు కూతురి పేరును తానే స్వయంగా అందరికి చెబుతానని రామ్చరణ్ పేర్కొన్నాడు. డాక్లరతో పాటు ప్రతి ఒక్కరికి కూడా చరణ్ థాంక్స్ చెప్పాడు.
ఇక ఇంటికి వెళ్లిన తర్వాత ఉపాసన తన సోషల్ మీడియాలో ఓ వీడియో షేర్ చేసింది. తాను బుల్లి చరణ్ పుడతాడని బావించినట్టు ఉపాసన పేర్కొంది. అయితే తనకు బుల్లి అత్తమ్మ పుట్టడం పట్ల కూడా సంతోషం వ్యక్తం చేసింది. ఇక ఇప్పటికే చరణ్ తాను ఒక పేరు ఫిక్స్ అయినట్టు చెప్పిన ఉపాసన 21వ రోజు రివీల్ చేస్తామని తెలియజేసింది. అయితే రామ్ చరణ్, ఉపాసన దంపతుల పుట్టిన పాపకు తాతయ్య మెగాస్టార్ చిరంజీవి పోలికలు ఉన్నట్టు చూసినవాళ్లు చెబుతున్నారు.మెగా ప్రిన్సెస్ రాకతో మెగా ఫ్యామిలీలో సంబరాలు అంబారాన్ని అంటాయి. త్వరలో మెగా ప్రినెన్స్ పుట్టిన సందర్భంగా ఓ భారీ పార్టీ ఏర్పాటు చేయబోతున్నట్టు తెలుస్తుంది.
