Upasana : ఈ రోజు అంతర్జాతీయ మాతృదినోత్సవం కావ‌డంతో.. సామాన్యుల నుంచి సెలబ్రిటీల దాకా ప్రతి ఒక్కరూ తమ మాతృమూర్తులకు శుభాకాంక్షలు తెలియజేస్తున్నారు. అయితే రామ్ చరణ్ సతీమణి ఉపాసన త్వరలో అమ్మతనాన్ని ఆస్వాదించబోతున్న విష‌యం తెలిసిందే. ఈ క్ర‌మంలో ఉపాసన బేబీ బంప్ తో ఉన్న ఫోటోని సోషల్ మీడియాలో షేర్ చేశారు. తాను తొలి మదర్స్ డేను జరుపుకుంటున్నాంటూ సంతోషం వ్యక్తం చేశారు. అలానే ఆ పోస్ట్‌కి ఓ కామెంట్ కూడా పెట్టింది. నేను ‘‘మాతృత్వాన్ని స్వీకరించడానికి ఎంతో గర్వపడుతున్నా. నేను సమాజం అంచనాలకు అనుగుణంగా ఉండటానికో.. వారసత్వాన్ని కొనసాగించడానికో.. మా వివాహ బంధాన్ని బలోపేతం చేసుకోవాలనో నేను అమ్మను కావాలని అనుకోలేదు.
అంతులేని ప్రేమను నా బిడ్డకు ఇవ్వగలనని, జాగ్రత్తగా చూసుకోగలనని నేను మానసికంగా ప్రిపేర్ అయిన తర్వాతనే తల్లిని కావాలని నిర్ణయం తీసుకున్నా అంటూ తన ఇన్‌స్టాగ్రాములో రాసుకొచ్చింది. ఉపాసన పెట్టిన పోస్టుకు హీరోయిన్లు కామెంట్ల వ‌ర్షం కురిపిస్తున్నారు. కియారా అద్వానీ, సమంత, త్రిష, శ్రియ, సంయుక్త మీనన్ తదితరులు విష్ చేశారు. ‘హ్యాపీ మదర్స్ డే లవ్లీ మమ్మీ’ అంటూ కాజల్ అగర్వాల్ కామెంట్ చేయ‌గా, ఆ పోస్ట్ నెట్టింట వైరల్ అవుతుంది.ఉపాసన, రామ్ చరణ్ సతీమణిగానే కాకుండా అపోలో హాస్పటిల్స్ అధినేత మనవరాలిగా.. సామాజిక కార్యక్రమాల్లో చురుకుగా పాల్గోంటూ ఎంతో మందికి అండ‌గా నిలిచింది.
ఇటీవల ఉపాసన బేబీ షవర్ పార్టీ వేడుకలను జ‌ర‌ప‌గా, ఈ వేడుక‌లో కుటుంబ సభ్యులు, ఉపాసన ఫ్యామీలీతో పాటు ఫ్రెండ్స్ హాజరైయ్యారు.. ఈ వేడుకకు సినీ సెలెబ్రీస్‌తో పాటు ఎన్టీఆర్ సతీమణి ఉపాసన హాజరైనట్లు సమాచారం. ఇక ఆర్ ఆర్ ఆర్ తర్వాత ఎన్టీఆర్, రామ్ చరణ్‌లు మాత్రమే కాదు లక్ష్మీ ప్రణతికి ఉపాసన మంచి ఫ్రెండ్స్ అయ్యారట. ఈ నేపథ్యంలో గర్భం దాల్చిన తన బెస్ట్ ఫ్రెండ్ ఉపాసనకు లక్ష్మీ ప్రణతి ఓ స్పెషల్ గిఫ్ట్స్ ఇచ్చారట. తానే స్వయంగా తయారు చేసిన ఆ గిఫ్ట్ పెద్దగా ఖరీదు కానప్పటకీ.. ఎంతో ప్రేమగా చేసి ఇచ్చార‌ని ప్రచారం న‌డిచింది.
