Mohan Babu : టాలీవుడ్ ఇండ‌స్ట్రీలో ఎక్కుగా సెల‌బ్రిటీల‌పై ట్రోలింగ్ అయ్యేది ఎవ‌రిపై అంటే అది మంచు ఫ్యామిలీపై అనే చెప్పాలి . మంచు ఫ్యామిలీ మీద సోషల్ మీడియాలో నడిచే చర్చలు, వచ్చే ట్రోలింగ్స్, పడే మీమ్స్ అందరికీ తెలిసిందే. ఫసక్ అంటూ మోహన్ బాబు.. లెట్ దెమ్ నో అంకుల్ అంటూ మంచు విష్ణు.. నిలదీస్‌ఫై అంటూ మంచు లక్ష్మీ మీద ఇలా ట్రోలింగ్స్ పడుతూనే ఉన్నారు. సోషల్ మీడియాలో వీరిపై ఎంత ట్రొలింగ్ న‌డిచిన కూడా వీరు ఎప్పుడు ఏదో ఒక చెత్త పని చేస్తూ వార్త‌ల‌లో నిలుస్తూ ఉంటారు. మంచు వారు సైతం తమ మీద వచ్చే ట్రోలింగ్‌ను లైట్ తీసుకుంటారు.అయోధ్యకు రావాలని ఆహ్వానం ఉన్నా, భద్రతా కారణాలతో వెళ్లలేకపోయానని మోహన్ బాబు తెలిపారు.
“నరేంద్ర మోదీ ప్రధాని అయ్యాక భారతీయ, సంస్కృతి, సంప్రదాయాలను ప్రపంచానికి చాటి చెప్తున్నారు. ఆయన ప్రధాని అయ్యాక దేశ ప్రతిష్ట పెరుగుతోంది. అయోధ్యలో బాల రాముడి ప్రాణ ప్రతిష్ట వేడుకకు రావాల్సిందిగా తనకు కూడా ఆహ్వానం అందించారు. అయితే, భద్రతా కారణాల వల్ల రాలేకపోతున్నానని, తనను క్షమించమని లేఖ రాశాను. ఇంతటి మహత్తర కార్యక్రమాన్ని చేపట్టిన ప్రధాని మోదీకి కృతజ్ఞతలు తెలుపుతున్నాను” అని మోహన్ బాబు వెల్లడించారు. అయోధ్య రామమందిర ప్రారంభోత్సవం సందర్భంగా హైదరాబాద్ ఫిల్మ్ నగర్‌లోని దైవ సన్నిధానంలో ఆలయ కమిటీ సభ్యులతో కలిసి ప్రత్యేక హోమం నిర్వహించారు. మోహన్ బాబు వెళ్లకపోవడంపై నెటిజన్లు తీవ్ర ఆగ్రహం వ్యక్తం చేస్తున్నారు. ఎన్నో ఏళ్లుగా హిందువులు ఎదురు చూస్తున్న ఈ చారిత్రక వేడుకకు వెళ్లలేకపోయేంత పని ఏం ఉందని ప్రశ్నిస్తున్నారు.
అయోధ్య రామ మందిర ప్రారంభోత్సవం, బాల రాముడికి ప్రాణ ప్రతిష్ట చేయడం, దాన్ని లైవ్‌గా మంచు లక్ష్మీ చూపించడం అందరికీ తెలిసిందే. ఇక మంచు లక్ష్మీ తన ల్యాప్ టాప్ ఓపెన్ చేసి లైవ్‌గా చూసింది. లైవ్‌లో బాల రాముడ్ని చూసి.. ల్యాప్ ట్యాప్ మీద పూలు జల్లు.. దీపం వెలిగింది.. జై శ్రీరామ్ అంటూ పూజ చేసింది. అయితే ఈ పూజ మీద నెటిజన్లు పలు రకాలుగా స్పందిస్తున్నారు.పిచ్చి పలు రకాలు అంటే ఇదేనేమో.. ఇది నీకైనా ఓవర్‌గా అనిపించడం లేదా అక్కా.. ఇందుకు మిమ్మల్ని ట్రోల్ చేస్తారు.. మీరే అవకాశం ఇస్తుంటారు.. ఇలాంటివే తగ్గించుకుంటే బెటర్ అని ఇలా నానా రకాలుగా కామెంట్లతో మంచు లక్ష్మీని ట్రోల్ చేస్తున్నారు.
