Trivikram Srinivas : రచయిత నుండి టాప్ డైరెక్ట‌ర్‌గా ఎదిగిన త్రివిక్రమ్ ప్ర‌స్తుతం టాలీవుడ్ టాప్ హీరోల‌తో సినిమాలు చేస్తున్నాడు. ప్ర‌స్తుతం మహేష్ బాబుతో సినిమా చేస్తుండ‌గా, ఈ సినిమా అనివార్య కార‌ణాల వ‌ల‌న వాయిదా ప‌డింది. వ‌చ్చే వారం నుండి తిరిగి రెగ్యుల‌ర్ షూటింగ్ ప్రారంభించ‌నున్న‌ట్టు తెలుస్తుంది. ఇదిలా ఉండగా తాజాగా త్రివిక్రమ్ శ్రీనివాస్ ఓ లగ్జరీ కారుని కొన్నారు.త‌న భార్య సౌజన్య కోసం ఈ కారు కొన్న‌ట్టు తెలుస్తుంది. బీఎండబ్ల్యూ 7 సిరీస్ మోడల్ కారుని భార్య‌కి బ‌హుమ‌తిగా ఇచ్చేందుకు కొనుగోలు చేశార‌ని సమాచారం.. ఈ కారు విలువ దాదాపు 1.4 కోట్లు ఉంటుంద‌ని తెలుస్తుంది.
భార్య‌కు ప్రేమ‌తో త్రివిక్రమ్ ఇచ్చిన గిఫ్ట్ చూసి ప్ర‌శంస‌లు కురిపిస్తున్నారు. ఇక మాటల మాంత్రికుడు త్రివిక్రమ్ సినిమాలంటే ఇష్టపడేవారు చాలా మందే ఉన్నారు. కామెడీ,సెంటిమెంట్, రిలేషన్ షిప్ తో కూడిన ఆయన సినిమాల్లో కొత్తదనం ఉంటుంది. దీంతో ఇప్పటి వరకు డైలాగ్స్ రచయిత గానే కాకుండా.. సక్సెస్ డైరెక్టర్ గా గుర్తింపు పొందారు. నిర్మాణ సంస్థల్లో కూడా ఆయన పెట్టుబడులు పెట్టినట్లు సమాచారం. హారిక బ్యానర్ ను ఆయన వెనక ఉండి నడిపిస్తున్నట్లు ఇండస్ట్రీ టాక్. అటు సితార బ్యానర్ కూడా త్రివిక్రమ్ అండతోనే సాగుతుందని ప్ర‌చారం అయింది.
సిరివెన్నెల సీతారామశాస్త్రి సోదరుడి కూతురు సౌజన్యను త్రివిక్రమ్ 2002లో పెళ్లి చేసుకోగా, వారు అంతకుముందే రవీంద్రభారతిలో సౌజన్య భరతనాట్యం సందర్భంగా కలిశారు. ఆ తరువాత సీతారామశాస్త్రి చొరవతో వీరిద్దరు పెళ్లి చేసుకున్నారు. అయితే త్రివిక్రమ్ స్టార్ డైరెక్టర్ అయిన తరువాత ఆయన సతీమణి కూడా ఆయనకు విలువైన సలహాలు ఇస్తుండేదని చెబుతుంటారు. త్రివిక్రమ్, సౌజన్య దంప‌తులికి ఇద్దరు సంతానం కావడం విశేషం. ఇటీవ‌ల సౌజన్య నిర్మాణ సంస్థలో అడుగుపెట్టారు. సితార బ్యానర్ పై ‘బుట్టబొమ్మ’ సినిమా నిర్మాణమవుతోంది. దీనికి నిర్మాతగా సితార నాగవంశీ తో పాటు త్రివిక్రమ్ సతీమణి సౌజన్య కూడా ఉన్నారు.
