Trivikram : టాలీవుడ్ సూపర్ స్టార్ మ‌హేష్ బాబు సినిమా అంటే ఎంత సంద‌డి ఉంటుందో ప్ర‌త్యేకంగా చెప్ప‌న‌క్క‌ర్లేదు. నేడు ప్రపంచవ్యాప్తంగా ప్రేక్షకుల ముందుకొచ్చిన ఈ మూవీ సూపర్ స్టార్ అభిమానులకు సంక్రాంతి పండుగను ముందుగానే తెచ్చి పెట్టింది. మహేశ్‌ నుంచి అభిమానులు ఆశిస్తున్న అన్ని ఎలిమెంట్స్‌తో సినిమా సాగుతుందని ఇప్పటివరకు వచ్చిన రివ్వ్యూస్ చెబుతున్నాయి.. అతడు, ఖలేజా వంటి సినిమాల తర్వాత మూడోసారి ఈ కాంబినేషన్‌లో మూవీ రావడంతో భారీ హైప్స్ పెరిగాయి. అలాగే ఈ సినిమాపై టాలీవుడ్ సినీ ఇండస్ట్రీలో భారీ అంచనాలు నెలకొన్నాయి. ఇక సినిమా ప్రారంభం నుంచి ఏదో ఒక సమస్య తలెత్తిన క్రేజ్ మాత్రం తగ్గలేదు.
శుక్రవారం అర్ధరాత్రి నుంచే మిడ్ నైట్ షోలు పడ్డాయి. దాంతో రాత్రి నుంచే గుంటూరు కారం మూవీపై పబ్లిక్ టాక్ వస్తోంది. ఇప్పుడు గుంటూరు కారంపై ఆడియెన్స్ రెస్పాన్స్ వైరల్ అవుతోంది. అయితే, ఎన్నో అంచనాలతో వచ్చిన గుంటూరు కారం మూవీకి నెగెటివ్ రెస్పాన్స్ వ‌చ్చింది. ఫ్యాన్స్, సినీ లవర్స్ మూవీపై పెదవి విరిచారు. అత్తారింటికి దారేది, అల వైకుంఠపురములో, అజ్ఞాతవాసి ఇలా సినిమాలన్నింటిని కలిపి ఏదో ఒకటి తీసినట్లుగా ఉందని మండిపడుతున్నారు. కనీసం ఈ సినిమాల్లో స్టోరీ ఉందని, గుంటూరు కారం మరీ దారుణంగా ఉందని ఆవేదన వ్యక్తం చేస్తున్నారు.
గుంటూరు కారంలో ఏం లేదని, మరో అజ్ఞాతవాసి అయిందని అంటున్నారు. అది అజ్ఞాతవాసి అయితే.. ఇది గుంటూరు వాసి అయిందని గగ్గోలు పెడుతున్నారు. కథ లేకుండా నాలుకు కామెడీ సీన్స్, ఫైట్ సీన్స్ పెట్టి తూతూ మంత్రంగా సినిమాను నెట్టుకొచ్చినట్లు ఉందంటున్నారు. అలాగే మరోవైపు కొంతమంది సినిమా చెత్త‌గా ఉందిన చెప్పుకొస్తున్నారు. అంతేకాదు కారులో థియేట‌ర్‌కి వచ్చిన థ‌మ‌న్, త్రివిక్ర‌మ్‌పై కొంద‌రు మాట‌ల తూటాలు పేల్చారు. మొత్తానికి త్రివిక్ర‌మ్‌కి ఈ సినిమా మరో పెద్ద దెబ్బ‌గా మారింది.
