Varaha Rupam : క‌న్నడ సినిమా ‘కాంతార’ చిత్రం దేశ వ్యాప్తంగా సంచలన విజయం సాధించిన విష‌యం తెలిసిందే. హొంబలే ఫిలింస్ నిర్మించిన ‘కాంతార’ మూవీ రిషబ్ శెట్టి దర్శకత్వంలో ఆయనే హీరోగా తెరకెక్క‌గా, ఈ సినిమా రూ. 16 కోట్ల బడ్జెట్ తో రూపొందింది. ఈ సినిమా కథ ప్ర‌తి ఒక్క‌రిని అల‌రించ‌డంతో మూవీకి ఏకంగా రూ. 400 కోట్లు వసూళ్లు చేసింది. ఈ ఏడాది బిగ్గెస్ట్ హిట్స్ గా నిలిచిన సినిమాల్లో ఒకటిగా నిలిచింది. అయితే, ప్రేక్షకులను ఎంతగానో ఆకట్టుకున్న ‘వరాహరూపం’ పాట కాపీ రైట్స్ వివాదంలో చిక్కుకుంది. ఈ పాట తమ పాట నుంచి కాపీ కొట్టారంటూ తైక్కుడం బ్రిడ్జ్ ఆల్బమ్ టీమ్ న్యాయస్థానాన్ని ఆశ్రయించింది.
పాట‌పై కేసు విచారణ జరిపిన న్యాయ స్థానం ఈ పిటీషన్ ను కొట్టివేస్తూ వరహ రూపం పాట మీద ఉన్న బ్యాన్ ను ఎత్తివేసింది. ఈ నేపథ్యంలో ‘కాంతార’ ఓటీటీ వెర్షన్ లోనూ అప్ డేట్ అయ్యింది.అయితే ‘వరాహ రూపం’ పాట విష‌యానికి వ‌స్తే దీనిని కొత్త మ్యూజిక్ ఇన్ స్ట్రుమెంట్ తో రీక్రియేట్ చేసారు. ఇక ఈ పాట ఎవ‌రు పాడారు అనే ఆస‌క్తి అంద‌రిలో ఉంది. ఆమె మ‌రెవ‌రో కాదు పాడుతా తీయ‌గాతో పాటు ఎన్నో సింగింగ్ కాంపిటీష‌న్స్లో పాల్గొని స‌త్తా చాటిన శ్రీ లలిత . బోల్ బేబీ బోల్, సూపర్ సింగర్, పాడుతా తీయగా, స్వరాభిషేకం, స్వర నీరాజనం, సరిగమప లిటిల్ ఛాంప్స్ లాంటి ప్రోగ్రాంలతో మమంచి క్రేజ్ ద‌క్కించుకున్న శ్రీ లలిత ఇటీవల కాంతార సినిమాలోని పాపులర్ సాంగ్ ‘వరాహ రూపం’ పాటను పాడి అంద‌రి దృష్టిని ఆకర్షించింది.
కజు అనే డిఫరెంట్ సంగీత వాయిద్యంతో పూర్తి పాటను రీక్రియేట్ చేసి ట్రెండ్ సెట్ చేసింది. కాంతారలో ఒరిజినల్ సాంగ్ ని మేల్ సింగర్ పాడ‌గా, రీక్రియేషన్ లో శ్రీలలిత.. అందరికీ కజు ఇన్ స్ట్రుమెంట్ ని పరిచయం చేస్తూనే.. అద్భుతంగా పాడింది. ప్రస్తుతం శ్రీలలిత రీక్రియేట్ చేసిన వరాహ రూపం సాంగ్.. సోషల్ మీడియాలో తెగ వైరల్ అవుతుంది. ఈమె పాట‌కు తెలుగు భాష‌లోనే కాదు వివిధ భాష‌ల‌లోను మంచి రెస్పాన్స్ వ‌స్తుంది.
