Pawan Kalyan : ఆంధ్రప్రదేశ్ ఉప ముఖ్యమంత్రి, పపర్ స్టార్ పవన్ కల్యాణ్ ప్రస్తుతం రాజ‌కీయాల‌తో బిజీగా ఉన్నారు.ఆయన సినిమాల‌కి గ్యాప్ ఇచ్చి పూర్తిగా రాజ‌కీయాల‌కి ప‌రిమితం అయ్యారు. పంచాయతీ రాజ్, గ్రామీణాభివృద్ధి లాంటి కీలక శాఖలను చేపట్టిన ఆయన వరుస సమీక్షలు, సమావేశాలతో జూన్ నుంచి తీరిక లేకుండా ఉన్నారు. ప్రస్తుతం మంత్రిత్వ శాఖల పనులతో తలమునకలై పని చేస్తున్నారు. అయితే, ఇటీవల సడెన్‍గా పవన్ కల్యాణ్ తన భార్య అనా లెజెనెవాతో కలిసి సింగపూర్ వెళ్లాడు. ఎయిర్ పోర్ట్‌లో ద‌ర్శ‌న‌మివ్వ‌డంతో ఆయన ఎటు వెళ్లి వెళ్లారో అర్ధం కాలేదు.
తాజాగా అన్నా కొణిదెల గ్రాడ్యుయేషన్ పట్టా అందుకున్న వీడియో కూడా సోషల్ మీడియాలో వైరల్ అయ్యాయి. పట్టా అందుకున్న తర్వాత పవన్ కళ్యాణ్ తో కలిసి అన్నా లెజినోవా ఫొటోలు దిగారు. కొద్ది రోజుల క్రితం వరకు వారాహీ దీక్షలో ఉన్న పవన్ కళ్యాణ్.. దీక్షా వస్త్రాల్లోనే కనిపించారు. సింగపూర్ పర్యటనలో మాత్రం పవన్ కళ్యాణ్ సింపుల్ ఫార్మల్ లుక్‌లో కనిపించడం అభిమానులను ఆకట్టుకుంటోంది. . సింగపూర్ లో కూడా పవన్ స్టైల్, స్వాగ్ అసలు మారలేదు అంటూ అభిమానులు పోస్టులు పెడుతున్నారు. అలాగే పవన్ భార్య అన్నా లెజినోవాకు శుభాకాంక్షలు చెబుతున్నారు.
సింగపూర్ యూనివర్సిటీ నుంచి మాస్టర్స్ డిగ్రీ పట్టా పొందిన సతీమణికి పవన్ కళ్యాణ్ అభినందనలు తెలిపారు. ఈ సందర్భంగా తన భార్యతో తీసుకున్న సెల్ఫీని సోషల్ మీడియాలో పోస్ట్ చేశారు. అంతకు ముందు రష్యాలోని సెయింట్ పీటర్స్‌బర్గ్ స్టేట్ యూనివర్శిటీలో చదువుకున్నారు అన్నా లెజినోవా. అలాగే బ్యాంకాక్‌లోని చులాలాంగ్‌కార్న్ యూనివర్సిటీ నుంచి థాయ్ స్టడీస్‌లో మొదటి మాస్టర్స్ డిగ్రీ సాధించారు.2011లో వచ్చిన తీన్ మార్ సినిమాలో పవన్ కళ్యాణ్, అన్నా లెజినోవా కలిసి నటించారు. ఆ సమయంలో ఏర్పడిన పరిచయం ఆ తర్వాత ప్రేమగా మారి పెళ్లి వరకూ వెళ్లింది. 2013లో వీరిద్దరి మ్యారెజ్ కాగా.. వీరికి కుమారుడు మార్క్ శంకర్ పవనోవిచ్ ఉన్నాడు. రష్యాకు చెందిన అన్నా లెజినోవా మోడల్ గా కెరీర్ ప్రారంభించి పలు చిత్రాల్లో నటించింది.
