The Ashes 2023 : ప్ర‌స్తుతం ఇంగ్లండ్- ఆస్ట్రేలియాల మ‌ధ్య యాషెస్ సిరీస్ ర‌స‌వ‌త్త‌రంగా సాగుతున్న విష‌యం తెలిసిందే. గురువారం మూడో టెస్ట్ మొద‌లు కాగా, ఈ టెస్ట్‌లో కూడా ఆస్ట్రేలియా ఆధిప‌త్యం కొనసాగిస్తుంది.ఆస్ట్రేలియా తొలి ఇన్నింగ్స్ లో 263 ప‌రుగుల‌కి ఆలౌట్ కాగా, ఇంగ్లండ్ మూడు వికెట్స్ కోల్పోయి 69 ప‌రుగులు చేసింది. మొదటి రెండు టెస్టుల్లో ఓటమిపాలైన ఇంగ్లాండు జట్టు ఈ టెస్ట్ లో ఎలాగైనా విజయం సాధించాలన్న లక్ష్యంతో బరిలోకి దిగుతోంది. హెడ్డింగ్లెలోని లీడ్స్ వేదికగా జరగనున్న మూడో టెస్టులో ఇంగ్లాండ్ జట్టు పలు మార్పులతో బరిలోకి దిగింది.
మొదటి రెండు టెస్టుల్లో ఆశించిన స్థాయిలో ప్రదర్శన చేయలేక చతికిల పడిన ఆటగాళ్లను తప్పించి.. వారి స్థానంలో సీనియర్ ఆటగాళ్లకు ఇంగ్లాండ్ జట్టు చోటు కల్పించింది. అయితే ఇంగ్లండ్.. ఆస్ట్రేలియాకి గ‌ట్టి పోటే ఇస్తుంది. మొదటి టెస్ట్ లోను, రెండో టెస్టులోనూ విజయానికి దగ్గరగా వచ్చి ఇంగ్లాండ్ జట్టు విజయాన్ని చేజార్చుకుంది. ఇంగ్లాండ్ జట్టుకు గత కొన్నాళ్లుగా విజయాలను అందించి పెడుతున్న బజ్ బాల్ వ్యూహం కూడా విజయాలను అందించడం లేదు. వేగంగా ఆడి ప్రత్యర్థి జట్లపై ఒత్తిడి పెంచాలన్న ఇంగ్లాండ్ వ్యూహం ఈ సిరీస్ లో మాత్రం బెడిసి కొడుతోంది.
వేగంగా ఆడే క్రమంలో వికెట్లను పోగొట్టుకుంటున్న ఇంగ్లాండు జట్టు విజయానికి దగ్గరగా వచ్చి నిలిచిపోతోంది.మొదటి రెండు టెస్టుల్లో జరిగిన తప్పిదాల నుంచి గుణ పాఠాలు నేర్చుకుని మెరుగైన ప్రదర్శన చేసే ప్ర‌య‌త్నం చేస్తుంది. అయితే ఈ సిరీస్ లో కొన్ని యాకానిక్ మూమెంట్స్ చోటు చేసుకుంటున్నాయి. తాజా మ్యాచ్‌లో జో రూట్ బంతి వేస్తున్న స‌మ‌యంలో ఆడియ‌న్స్ లోని ఓ మ‌హిళ చైర్‌లో కూర్చోబోయి కింద ప‌డింది. అది లైవ్‌లో ప్ర‌త్య‌క్షమైంది. బిగ్ స్క్రీన్ మీద కూడా ఆ స‌న్నివేశం క‌నిపించే స‌రికి క్రికెట‌ర్స్ కూడా న‌వ్వుకున్నారు. ఈ వీడయో నెట్టింట తెగ హ‌ల్‌చ‌ల్ చేస్తుంది.
