Jr NTR : యంగ్ టైగర్ ఎన్టీఆర్ ఇప్పుడు పాన్ ఇండియా స్టార్‌గా మారిన విష‌యం తెలిసిందే. ఆయన ఆర్ఆర్ఆర్ మూవీలో చూపిచిన న‌ట‌నా ప‌టిమ‌కు హాలీవుడ్ ప్ర‌ముఖులు కూడా ఫిదా అయ్యారు. అయితే ఎన్టీఆర్ త‌న‌కి ద‌క్కిన క్రేజ్ పట్ల బాలీవుడ్ మేకర్స్ కూడా ఆయ‌న‌తో సినిమాలు చేసేందుకు ఆసక్తి చూపుతున్నారు. ఈ క్ర‌మంలో హృతిక్ రోషన్, ఎన్టీఆర్ వార్ 2 భారీ ప్రాజెక్ట్ లోన‌టించ‌బోతున్నారు. త్వరలో ఈ ప్రాజెక్ట్ పై అధికారిక ప్రకటన రానుంది. అయితే ఎన్టీఆర్ మరో బాలీవుడ్ చిత్రం చేయాల్సి ఉంది.
ఉరి: ది సర్జికల్ స్ట్రైక్ ఫేమ్ ఆదిత్య ధార్ ‘ది ఇమ్మోర్టల్ అశ్వద్దామ’ టైటిల్ తో పాన్ ఇండియా మూవీ ప్రకటించ‌గా, ఇందులో మొదట హీరోగా మొదట విక్కీ కౌశల్ అనుకున్నారు. అయితే భారీ బడ్జెట్ మూవీ కావడంతో మంచి మార్కెట్ ఉన్న హీరోల‌ని తీసుకోవాల‌ని భావించారు రణ్వీర్ సింగ్, ఎన్టీఆర్ లతో ది ఇమ్మోర్టల్ అశ్వద్ధామ చేయాలని భావించారు. మొదట ఎన్టీఆర్ కూడా ఈ ప్రాజెక్ట్ పట్ల ఆసక్తి చూపారట. అయితే తన క్యారెక్టర్ విషయంలో సంతృప్తి చెందని ఎన్టీఆర్ ప్రాజెక్ట్ నుండి తప్పుకున్నారట. ఎన్టీఆర్ నిర్ణయం జియో స్టూడియోస్ కి భారీ నష్టం తెచ్చిందన్న టాక్ వినిపిస్తుంది.
ఎన్టీఆర్ నిష్క్రమణతో ది ఇమ్మోర్టల్ అశ్వద్ధామ ప్రాజెక్ట్ మీద మేకర్స్ ఆశలు వ‌దులుకున్నార‌ని ప్ర‌చారం జ‌రుగుతుంది. అయితే అప్ప‌టికే జియో స్టూడియోస్ ఆల్రెడీ రూ. 30 కోట్ల వరకు ప్రీ ప్రొడక్షన్ కోసం ఖర్చు చేశారట. ఈ ప్రాజెక్ట్ ఇంతటితో ఆపేస్తే మంచిదని జియో స్టూడియోస్ భావిస్తోందట. ఎన్టీఆర్ నో చెప్పడం కారణంగా జియో స్టూడియోస్ చేపట్టిన రూ. 500 కోట్ల ప్రాజెక్ట్ ఆగిపోయిందని ప్ర‌చారం జ‌రుగుతుంది. దర్శకుడు ఆదిత్య ధార్ డ్రీమ్ ప్రాజెక్ట్ మధ్యలో ఆగిపోయిన నేపథ్యంలో ఆయన నిరాశ చెందుతున్నార‌ని అంటున్నారు.
