Tejaswini : నందమూరి న‌ట‌సింహం బాలకృష్ణ ఇండ‌స్ట్రీలో టాప్ హీరోగా రాణిస్తున్న విష‌యం తెలిసిందే. ఆయ‌న న‌టుడిగాను హోస్ట్‌గాను అద‌రగొడుతున్నాడు. ఆయ‌న‌కి ఇద్ద‌రు కూతుర్లు ఒక కొడుకు ఉండ‌గా, వీరెవ‌రు ఇండస్ట్రీలోకి రాలేదు. అయితే బాలయ్య త‌న‌యుడు మోక్షజ్ఞ ఇండ‌స్ట్రీ ఇవ్వ‌నున్నాడ‌ని ప్ర‌చారం జ‌రుగుతుంది. ఇక బాలయ్య పెద్ద కూతురు మోక్షజ్ఞ బిజినెల్ వ్య‌వ‌హారాలు చూసుకుంటూ ఉండ‌గా, చిన్న కూతురు మాత్రం ఇండస్ట్రీలోకి అడుగుపెట్ట‌నున్న‌ట్టు ఇటీవ‌ల ప్ర‌చారం జరిగింది. ఆ మ‌ధ్య బాలకృష్ణ అన్‌స్టాపబుల్ సెలబ్రిటీ టాక్ షో కి ఒప్పుకోవడానికి కారణం తేజస్విని అని ప్ర‌చారం జరిగింది.
ఇప్పటికీ కూడా షోలో బాలకృష్ణ వేసుకునే బట్టలు మరియు మిగతా విషయాలలో కూడా తేజస్విని చాలా జాగ్రత్తలు తీసుకుంటుందని తెలుస్తోంది. అంతేకాకుండా కొన్నిసార్లు బాలకృష్ణ సినిమాల విషయంలో కూడా తేజస్విని నిర్ణయాలు తీసుకుంటుందని సమాచారం . ఇక ఈ అమ్మ‌డు హీరోయిన్ గా కాకుండా తనకంటూ ఒక సొంత ప్రొడక్షన్ బ్యానర్ స్థాపించి నిర్మాతగా మారాలని ప్రయత్నాలు చేస్తోందట. అన్నీ అనుకున్నట్లు జరిగితే బాలకృష్ణ సినిమా తోనే తేజస్విని నిర్మాతగా మారబోతుంద‌ని ప్ర‌చారం.
ఆ మ‌ధ్య నందమూరి తార‌క‌ర‌త్నకి సంబంధించిన ఓ కార్య‌క్ర‌మంకి ఈ అమ్మ‌డు హాజ‌రైంది. ఆ ఈవెంట్‌లో తేజస్విని నందమూరి కళ్యాణ్ రామ్ తో క‌లిసి స‌ర‌దాగా మాట్లాడుతూ క‌నిపించింది. ఆమెకు సంబంధించిన ఫొటోలు వీడియోలు నెట్టింట తెగ హల్చల్ చేసాయి. బాలయ్య బాబు కుమారుడు మోక్షజ్ఞ తేజ త్వరలోనే హీరోగా ఎంట్రీ ఇస్తాడు అని టాక్ అయితే వచ్చింది. కానీ ఇప్పుడు అతని కంటే ముందే కూతురు టాలీవుడ్ ఇండస్ట్రీలోకి ఒక నిర్మాతగా తన ప్రయాణాన్ని మొదలు పెట్టబోతున్నట్లు సమాచారం. ఇదివరకే బాలకృష్ణ ఎన్.బి.కె ఫిలిమ్స్ బ్యానర్లో పలు సినిమాలను నిర్మించగా, ఇప్పుడు కూతురు తేజస్విని ఎలాంటి సినిమాలను నిర్మిస్తారో చూడాలి.
