టెక్నో మొబైల్ సంస్థ టెక్నో స్పార్క్ 9 పేరిట ఓ నూత‌న స్మార్ట్ ఫోన్‌ను తాజాగా విడుద‌ల చేసింది. ఇందులో ప‌లు ఆక‌ట్టుకునే ఫీచ‌ర్ల‌ను అందిస్తున్నారు. ఈ ఫోన్‌లో 6.6 ఇంచుల హెచ్‌డీ ప్ల‌స్ రిజ‌ల్యూష‌న్ క‌లిగిన డిస్‌ప్లేను ఏర్పాటు చేశారు. దీనికి 90 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల ఈ డిస్‌ప్లే చాలా క్వాలిటీగా ఉంటుంది. ఈ ఫోన్ లో మీడియాటెక్ హీలియో జి37 ప్రాసెస‌ర్‌ను అమ‌ర్చారు. 6 జీబీ వ‌ర‌కు ర్యామ్, 5 జీబీ వ‌ర‌కు వర్చువ‌ల్ ర్యామ్ ల‌భిస్తాయి. దీని వ‌ల్ల ఫోన్ వేగంగా ప‌నిచేస్తుంది.
ఈ ఫోన్‌లో వెనుక వైపు 13 మెగాపిక్స‌ల్ కెమెరా ఉండ‌గా.. ముందు వైపు 8 మెగాపిక్స‌ల్ కెమెరాను అమ‌ర్చారు. దీంట్లో ఆండ్రాయిడ్ 12 ఆప‌రేటింగ్ సిస్ట‌మ్ ల‌భిస్తుంది. ఫింగ‌ర్ ప్రింట్ స్కాన‌ర్ వెనుక వైపు ఉంది. ఈ ఫోన్‌లో 5000 ఎంఏహెచ్ బ్యాట‌రీని ఏర్పాటు చేశారు. ఈ ఫోన్ 4జీబీ ర్యామ్, 64జీబీ స్టోరేజ్, 6జీబీ ర్యామ్, 128 జీబీ స్టోరేజ్ వేరియెంట్ల‌లో ల‌భిస్తుంది. మెమొరీని కార్డు ద్వారా 512 జీబీ వ‌ర‌కు పెంచుకోవ‌చ్చు. అలాగే డ్యుయ‌ల్ సిమ్‌ల‌ను వేసుకోవ‌చ్చు.
ఈ ఫోన్‌లో డ్యుయ‌ల్ 4జీ వీవోఎల్‌టీఈ, డ్యుయ‌ల్ బ్యాండ్ వైఫై, బ్లూటూత్ 5.0, యూఎస్‌బీ టైప్ సి వంటి ఇత‌ర ఫీచ‌ర్ల‌ను కూడా అందిస్తున్నారు. ఇక ఈ ఫోన్ స్కై మిర్ర‌ర్‌, ఇన్ఫినిటీ బ్లాక్ క‌ల‌ర్ ఆప్ష‌న్ల‌లో ల‌భిస్తోంది. ఈ ఫోన్ కు చెందిన 4జీబీ ర్యామ్, 64 జీబీ స్టోరేజ్ మోడ‌ల్ ను రూ.8499 ధ‌ర‌కు, 6జీబీ ర్యామ్, 128 జీబీ స్టోరేజ్ మోడ‌ల్‌ను రూ.9499 ధ‌ర‌కు విక్ర‌యించ‌నున్నారు. ఈ నెల 23వ తేదీ నుంచి ఈ ఫోన్‌ను విక్ర‌యిస్తారు. అమెజాన్‌లో ఈ ఫోన్‌ను కొనుగోలు చేయ‌వ‌చ్చు.
