TECNO POP 6 Pro : మొబైల్స్ త‌యారీదారు టెక్నో త‌క్కువ ధ‌ర‌లోనే మంచి ఫీచ‌ర్లు క‌లిగిన ఫోన్ల‌ను త‌యారు చేసి అందిస్తుంద‌ని పేరుంది. ఈ క్ర‌మంలోనే ఎప్ప‌టిక‌ప్పుడు కొత్త ఫోన్ల‌ను విడుద‌ల చేస్తూ వినియోగ‌దారుల‌ను ఆక‌ర్షిస్తూ వ‌స్తోంది. ఇక తాజాగా అలాంటిదే మ‌రొక ఫోన్‌ను విడుద‌ల చేసింది. టెక్నో పాప్ 6 ప్రొ పేరిట ఈ ఫోన్ విడుద‌ల కాగా.. దీంట్లో ప‌లు ఆక‌ట్టుకునే ఫీచ‌ర్ల‌ను అందిస్తున్నారు. అలాగే ధ‌ర కూడా చాలా త‌క్కువ కావ‌డం విశేషం. ఇక ఇందులోని ఫీచ‌ర్ల వివ‌రాలు ఇలా ఉన్నాయి.
టెక్నో పాప్ 6 ప్రొ స్మార్ట్ ఫోన్‌లో 6.5 ఇంచుల హెచ్‌డీ ప్ల‌స్ రిజ‌ల్యూష‌న్ క‌లిగిన డిస్ ప్లేను ఏర్పాటు చేశారు. ఇందులో 2 గిగాహెడ్జ్ క్వాడ్‌కోర్ మీడియాటెక్ హీలియో ఎ22 ప్రాసెస‌ర్‌ను అమ‌ర్చారు. దీంట్లో 2జీబీ ర్యామ్‌, 32 జీబీ స్టోరేజ్ ల‌భిస్తున్నాయి. మెమొరీని కార్డు ద్వారా 256 జీబీ వ‌ర‌కు పెంచుకోవ‌చ్చు. ఆండ్రాయిడ్ 12 గో ఎడిష‌న్‌ను ఇందులో అందిస్తున్నారు. వెనుక వైపు 8 మెగాపిక్స‌ల్ కెమెరా ఉండ‌గా, ముందు వైపు 5 మెగాపిక్స‌ల్ కెమెరాను ఏర్పాటు చేశారు. దీని ఫ్లాష్ స‌దుపాయం కూడా ఉంది.
ఈ ఫోన్‌లో ఫింగ‌ర్ ప్రింట్ సెన్సార్‌, ఎఫ్ఎం రేడియో, 4జి వీవోఎల్‌టీఈ, బ్లూటూత్ 5.0 వంటి ఫీచ‌ర్ల‌ను అందిస్తున్నారు. అలాగే 5000 ఎంఏహెచ్ బ్యాట‌రీ కూడా ఉంది. ఇక ధ‌ర విష‌యానికి వ‌స్తే.. టెక్నో పాప్ 6 ప్రొ స్మార్ట్ ఫోన్ ధ‌ర రూ.6,099 ఉండ‌గా.. దీన్ని అమెజాన్‌లో విక్ర‌యిస్తున్నారు. అయితే ఎస్‌బీఐ కార్డుల‌తో ఈ ఫోన్‌పై అద‌నంగా 10 శాతం డిస్కౌంట్‌ను పొంద‌వ‌చ్చు. దీంతో ఫోన్ ధ‌ర రూ.5,489 అవుతుంది.
