Tamilnadu Doctor : ఇటీవ‌ల కాలంలో మ‌నుషులు సైకోలుగా మారి ఎంత విచిత్రంగా ప్ర‌వ‌ర్తిస్తున్నారో మ‌నం చూస్తున్నాం. అయితే తాజాగా తమిళనాడులోని తంజావూరు జిల్లా కుంభకోణం సమీపంలోని చోళపురంలో దారుణ ఘటన చోటు చేసుకుంది. నకిలీ సిద్ధ వైద్యుడు కేశవ మూర్తి(47) పురుషులకు మత్తు మందు ఇచ్చి వారిపై అత్యాచారానికి పాల్పడుతున్నాడు. అనంతరం వారిని చంపేసి వారి కాలేయాన్ని మసాలాతో వండుకుతిన్నాడు. ఇప్పుడు కటకటాలు లెక్కబెడుతున్నాడు.సిద్ధా వైద్యుడు కేశవ మూర్తి ఇంటి పెరట్లో మనుషుల పుర్రెలు, ఎముకలు బయటపడ్డాయి. జేసీబీ సహాయం తో తవ్వే కొద్ది ఇవి బయటపడుతున్నాయి. వారం రోజులుగా ఈ కేసు రాష్ట్రంలో చర్చనీయాంశంగా మారింది.
కుంభకోణంలోని చోళపురంలో తన వద్దకు చికిత్సకు వచ్చిన యువకుడితో సిద్ధా వైద్యుడు స్వలింగ సంపర్కం చేశాడు. అతను స్పృహ తప్పి పడిపోవడంతో హత్య చేసి ఎవరికీ తెలియకుండా పాతిపెట్టాడు. యువకుడు కనిపించడం లేదని కుటుంబ సభ్యులు పోలీసులకు ఫిర్యాదు చేయడంతో అస‌లు విష‌యం వెలుగులోకి వ‌చ్చింది. చోళపురం సందల్‌మేడు మహారాజపురం ప్రాంతానికి చెందిన పాండియన్‌ కుమారుడు 27 ఏళ్ల అశోక్‌రాజ్‌ చైన్నెలోని ఓ కంపెనీలో కారు డ్రైవర్‌గా పని చేస్తున్నాడు. దీపావళి పండుగ కోసం ఈ నెల 11న చెన్నై నుంచి చోళపురం వెళ్లాడు. పండుగ అనంతరం ఈ నెల 13న అత్యవసర పని నిమిత్తం బ‌య‌ట‌కు వెళుతున్నాన‌ని చెప్పి తిరిగి రాలేదు. దాంతో పోలీస్ కంప్లైంట్ చేశారు.
నవంబర్‌ 27, 2021, 30వ తేదీన అదే ప్రాంతానికి చెందిన తప్పిపోయిన ఆటో డ్రైవర్‌ మహ్మద్‌ అనస్‌ (26)ని కూడా హత్య చేసి, అతని శరీర భాగాలను ముక్కలుగా చేసి ఇంటి పెరట్లో పూడ్చిపెట్టాడు. కొన్ని భాగాలను వండుకుని తిన్నట్టు తెలిపాడు. ఈ ఘటనలో మహ్మద్‌ అనాస్‌ మృతదేహాన్ని పోలీసులు ఇంకా వెలికితీయకపోగా.. ఇతడిని కూడా కేశవ మూర్తి హత్య చేసి ఉంటాడని పోలీసులు సందేహించారు. ప్రొక్‌లైన్‌ సాయంతో ఇంటిపక్కన చెట్లు, ఇంటిముందు పచ్చిమిర్చి మొక్క. అరటి చెట్లను నరికి తొలగించారు. వరుసగా 2 చోట్ల 3 అడుగుల లోతు తవ్వగా 30కి పైగా ఎముకలు బయటపడ్డాయి. వాటిని తంజావూరు ఫోరెన్సిక్‌ ల్యాబ్‌కు తరలించారు.
