Chiranjeevi : కోడి గుడ్డు మీద ఈక‌లు పీకే వాళ్లు చాలా మందే ఉంటారు. సోష‌ల్ మీడియా ప్రాముఖ్య‌త పెరిగాక సెల‌బ్రిటీల‌పై ట్రోలింగ్ బాగా న‌డుస్తుంది. చిన్న విష‌యాన్ని కూడా పెద్దది చేసి ట్రోల్స్ చేస్తుంటారు. తాజాగా చిరంజీవిపై ట్రోల్స్ చేస్తున్నారు త‌మిళ సినీ ప్రేక్ష‌కులు. గ‌త రాత్రి చిరంజీవి న‌టించిన గాడ్ ఫాదర్ ట్రైల‌ర్ విడుదల కాగా, ఇందులో కొన్ని స‌న్నివేశాలను ఒరిజినల్ చిత్రం లూసిఫ‌ర్‌తో పోలుస్తూ ట్రోల్ చేస్తున్నారు. ఒక సన్నివేశంలో చిరంజీవి పోలీసు స్టేషన్‌లో సముద్రఖని పోషించిన పోలీస్ పాత్ర‌ని కొట్టడం కనిపిస్తుంది. ఈ షాట్‌ను మోహన్‌లాల్ ఒరిజినల్ షాట్‌తో పోల్చారు.
చిరంజీవి తన కాలుని స‌రిగ్గా పైకి ఎత్త‌లేక‌పోయాడ‌ని ట్రోల్స్ చేస్తున్నారు. ఇది మెగా అభిమానుల‌కి చిరాకు క‌లిగిస్తుంది. త‌మిళ హీరోలు గ‌తంలో చాలా సార్లు తెలుగు సినిమాల‌ని, పాట‌ల‌ని కంపు చేశార‌నే విష‌యం గుర్తుంచుకోవాల‌ని చుర‌క‌లు అంటిస్తున్నారు. కొంద‌రు అయితే అదే షాట్‌ని ఉప‌యోగించి స‌ముద్ర‌ఖ‌నిపై ట్రోల్స్ చేస్తున్నారు. త్వ‌ర‌లో పవన్ క‌ళ్యాణ్.. స‌ముద్ర‌ఖ‌నితో సినిమా డైరెక్ట్ చేస్తుండ‌గా, నా తమ్ముడితో సినిమాకి దర్శకత్వం వహించడానికి మీకు ఎంత ధైర్యం ? అని క్యాప్షన్ పెట్టి ట్రోల్స్ చేస్తున్నారు.
ఇక గాడ్ ఫాదర్ విష‌యానికి వ‌స్తే.. అక్టోబర్ 5న గాడ్ ఫాదర్ వరల్డ్ వైడ్ గ్రాండ్ గా విడుదల కానుంది. ఈ క్రమంలో అనంతపురం వేదికగా ప్రీ రిలీజ్ వేడుక ఘనంగా నిర్వహించారు. చిరంజీవి అభిమానుల నుండి ఈ ఈవెంట్ కి భారీ ఆదరణ దక్కింది. వేలల్లో ఈ ఈవెంట్ కి ఫ్యాన్స్ హాజరయ్యారు. మెగా అభిమానుల కోలాహలం మధ్య గాడ్ ఫాదర్ ప్రీ రిలీజ్ ఈవెంట్ ఘనంగా జరిగింది. చిరంజీవి తన స్పీచ్ తో ఆకట్టుకున్నారు. గాడ్ ఫాదర్ మంచి విజయం సాధిస్తుందన్న విశ్వాసం వ్యక్తం చేశారు.
