Tamannaah : మిల్కీ బ్యూటీ తమన్నా గురించి ప్ర‌త్యేక ప‌రిచ‌యాలు అక్క‌ర్లేదు.తెలుగులో మంచి గుర్తింపు ద‌క్కించుకున్న తమన్నా త‌మిళం,హిందీతో పాటు తెలుగులోను పలు సినిమాలు చేసింది జీ క‌ర్దాలో బోల్డ్ సీన్స్‌లో రెచ్చిపోయి నటించిన తమన్నా వీడియోలు నెట్టింట ఓ రేంజ్‌లో వైరల్ అయ్యాయి. ఇక తన ప్రియుడు విజ‌య్ వ‌ర్మ‌తో క‌లిసి ల‌స్ట్ స్టోరీస్ 2లోనూ బోల్డ్ సీన్స్‌లో ఘాటు రొమాన్సే చేసింది. ఆ వీడియోలు ఇప్పుడు వైరల్ అవుతున్నాయి. ఓ వైపు బోల్డ్‌గా న‌టించ‌టం, మ‌రో వైపు విజ‌య్ వ‌ర్మ‌తో లవ్ ట్రాక్ వంటి కార‌ణాల‌తో తమన్నా సెంటరాఫ్ ఎట్రాక్ష‌న్ అయ్యారు. ఆమె ఎక్కడున్నా మీడియా ఆమె చుట్టూనే చేరుతుంది.
తెలుగులో దాదాపుగా స్టార్స్ అందరితో తమన్నా ఆడి పాడింది. ప్రభాస్, పవన్, మహేష్, ఎన్టీఆర్, అల్లు అర్జున్, రాంచరణ్ ఇలా క్రేజీ హీరోలందరితో మిల్కీ బ్యూటీ నటించింది. హ్యాపీ డేస్ చిత్రంతో తమన్నాకి క్రేజ్ మొదలయింది. తమన్నా టాలీవుడ్ లో ఫ్యాషన్ ఐకాన్. సోషల్ మీడియాలో డిఫెరెంట్ డిజైన్ తో మంత్ర ముగ్ధుల‌ని చేసింది. తాజాగా తమన్నా మరోసారి తన అందంతో కళ్ళు చెదిరే ఫోజులు ఇచ్చింది. తమన్నా నటించిన లేటెస్ట్ వెబ్ సిరీస్ జూన్ 29 నుంచి నెట్ ఫ్లిక్స్ లో స్ట్రీమింగ్ కానున్న సంగతి తెలిసిందే.
రీసెంట్ గా తమన్నా ముంబయి విమానాశ్రయంలో కనిపించి సందడి చేశారు. మిల్క్ బ్యూటీని చూసేందుకు పెద్ద ఎత్తున ఫ్యాన్స్ అక్కడకు చేరుకున్నారు. అంతేకాకుండా ఆమెతో సెల్పీ దిగేందుకు ఎగబడ్డారు. తమన్నా కూడా అభిమానులతో కాసేపు ముచ్చటించారు. ఆ సమయంలో ఓ మహిళా ఫ్యాన్ తమన్నా కాళ్లకు దండం పెట్టి.. పూలబొకేతోపాటు ఓ గ్రీటింగ్ కార్డును ఆమెకు ఇచ్చారు. దీంతోపాటు తన చేతిపై తమన్నా ముఖాన్ని పచ్చబొట్టు వేయించుకున్న బొమ్మను చూపించారు. ఈ టాటూ కింద ‘లవ్ యూ తమన్నా’ అని కూడా రాసి ఉంది. దీంతో ఒక్కసారిగా భావోద్వేగానికి లోనైన మిల్క్ బ్యూటీ.. ఆమెను కౌగిలించుకొని థ్యాంక్యూ ఫర్ యువర్ లవ్ అంటూ కాసేపు కంటతడి పెట్టుకున్నారు. దీనికి సంబంధించిన వీడియో ఇప్పుడు నెట్టింట వైరల్ గా మారింది. తమన్నాకి సంబంధించిన వీడియో సొష‌ల్ మీడియాని షేక్ చేస్తుంది.
