Surya Kumar Yadav : రోహిత్ శ‌ర్మ‌ని త‌ప్పించ‌డంపై సూర్యకుమార్ యాద‌వ్ భార్య కామెంట్స్ వైర‌ల్‌..!

Surya Kumar Yadav : ముంబై ఇండియన్స్ సారథ్య బాధ్యతల నుంచి రోహిత్ శర్మను తొలగించడంపై ఇప్పుడు అంత‌టా చ‌ర్చ జ‌రుగుతుంది. అయితే రోహిత్‌ని తొల‌గించి నూతన సారథిగా హార్దిక్ పాండ్యాను ప్రకటించిన కొద్ది నిమిషాల్లోనే సోషల్ మీడియా వేదికగా ముంబై ఇండియన్స్ పేజీలను అన్‌ఫాలో చేశారు. ఎక్స్‌వేదికగా ముంబై ఇండియన్స్ ట్విటర్ హ్యాండిల్‌ను 4 లక్షల మంది అన్‌ఫాలో చేశారు.జట్టుని ఏకంగా 5 సార్లు టైటిల్ విజేతగా నిలిపిన హిట్‌మ్యాన్‌ని కెప్టెన్సీ నుంచి తప్పించడాన్ని ఫ్యాన్స్ జీర్ణించుకోలేకపోతున్నారు. సోషల్ మీడియా వేదికగా తమ అభిప్రాయాలను తెలియజేస్తున్నారు. ఇప్పటికే పలువురు క్రికెటర్లు, మాజీ క్రికెటర్లు స్పందించగా తాజాగా రోహిత్ శర్మ భార్య రితికా కూడా తొలిసారి రియాక్ట్ అయ్యింది.

2013 – 2023 ఉత్సాహభరితమైన సవాలుకు ఒక ఏడాది! చాలా గౌరవప్రదం రోహిత్!’’ అంటూ రోహిత్‌కు సానుభూతిగా ఇన్‌స్టాగ్రామ్ వేదికగా పోస్టు పెట్టింది. ఈ పోస్టుపై పసుపు రంగు హార్ట్ ఎమోజీతో రితికా స్పందించింది. కాగా పసుపు రంగు చెన్నై సూపర్ కింగ్స్‌కు ఎంతో ప్రత్యేకమైనది. ఆ జట్టు జెర్సీ కూడా అదే రంగులో ఉంటుంది. చెన్నై సొంత మైదానం మొత్తం పసుపుమయంగా కనిపిస్తుందన్న విషయం తెలిసిందే. అయితే రోహిత్ శర్మ ముంబై ఇండియన్స్‌కి ఏకంగా 11 సీజన్లలో నాయకత్వం వహించాడు. అతడి సారధ్యంలో జట్టు అత్యంత బలమైన జట్టుగా ఎదిగింది. ఏకంగా 5 సార్లు ఐపీఎల్ విజేతగా నిలిపాడు.

అయితే హార్దిక్ పాండ్యా గత నెలలో ఫ్రాంచైజీకి తిరిగి వచ్చాక ముంబై ఇండియన్స్ కెప్టెన్‌గా జట్టు ప్రకటించింది. భవిష్యత్తు ప్రణాళికలో భాగంగా కెప్టెన్‌ను మార్చామని ముంబై ఇండియన్స్ చెప్ప‌గా, సూర్య కుమార్ యాద‌వ్‌తో పాటు అత‌ని భార్య షాకింగ్ కామెంట్స్ చేసింది. మీ చుట్టూ ఉన్న వారిపై మీరు ఎలా ప్ర‌వ‌ర్తించార‌న్న దానిపై దేవిషా షాకింగ్ కామెంట్స్ చేసింది. ఆ త‌ర్వాత దానిని డిలీట్ చేయ‌డం చ‌ర్చ‌కి దారి తీసింది. ప్ర‌స్తుతం ఈ పోస్ట్ నెట్టింట వైర‌ల్‌గా మారింది.