Steve Smith : ఇండియన్ ప్రీమియర్ లీగ్ (IPL 2024) సీజన్ 17 మ‌రి కొద్ది గంట‌ల‌లో ప్రారంభం కానుంది. ఐపీఎల్ 2024లో హార్దిక్ పాండ్యా అరుదైన రికార్డు సొంతం చేసుకునే అవకాశం ఉంది. రోహిత్ శర్మ, మహేంద్ర సింగ్ ధోని లాంటి అత్యుత్తమ కెప్టెన్లు సైతం ఈ రికార్డును అందుకోలేకపోయారు. కానీ టీమిండియా ఆల్‌రౌండర్, మాజీ గుజరాత్ టైటాన్స్ కెప్టెన్ హార్దిక్ పాండ్యా అసాధ్యాన్ని సుసాధ్యం చేసే ఛాన్స్ ఉంది. రోహిత్ శర్మ, ఎంఎస్ ధోని ఒకే ఫ్రాంచైజీకి బోలెడన్ని ట్రోఫీలు సాధించిపెట్టారు. కానీ హార్దిక్ ఈసారి సీజన్‌లో ముంబై ట్రోఫీ అందిస్తే.. రెండు ఫ్రాంచైజీలకు వేర్వేరు సమయాల్లో ట్రోఫీలు అందించిన కెప్టెన్‌గా రికార్డుల్లోకి ఎక్కుతాడు. ఇక ఈవెంట్ శుక్ర‌వారం సాయంత్రం 6.30ని.ల‌కి ప్రారంభం కానుండ‌గా, ఈ ఈవెంట్‌కి అనేక మంది బాలీవుడ్ తార‌లు కూడా హాజ‌రుకాబోతున్నారు.
ఇప్ప‌టికే అన్ని ఏర్పాట్లు పూర్త‌య్యాయి. ఇక క్రీడాకారులు కూడా స‌త్తా చాటేందుకు సిద్ధ‌మయ్యారు. మరోవైపు ప‌లు ఛానెల్స్ కూడా వారితో ఇంట‌ర్వ్యూలు చేస్తున్నాయి. ఈ క్ర‌మంలోనే స్టీవ్ స్మిత్‌ని తాజాగా వింధ్వ ఇంట‌ర్వ్యూ చేస్తూ ప‌లు డైలాగులు చెప్పించింది. బాగున్నారా అంటే బాగున్నారా అని చెప్పాడు. ఇక ఆ తర్వాత తెలుగు డైలాగ్స్ కూడా చెప్పారు. అపాయింట్‌మెంట్ లేకుండా వ‌స్తే అకేష‌న్ చూడ‌ను, లొకేష‌న్ చూడ‌ను అనే డైలాగ్ చెప్పి న‌వ్వించారు. ఆ తర్వాత డోంట్ ట్రబుల్ ది ట్రబుల్ .. ట్రబుల్ ట్ర‌బుల్స్ యూ, ఐ యామా్ నాట్ ది ట్రబుల్, ఐయామ్ ది ట్రూత్ అనే డైలాగ్ కూడా బాగానే చెప్పాడు.
ఇక అనంత‌రం ఫ్లూట్ జింక ముందు ఊదు, సింహం ముందు కాదు అనే డైలాగ్ ఫన్నీగా చెప్పాడు. ప్ర‌స్తుతం స్మిత్ తెలుగు మాట్లాడిన వీడియో నెటిజ‌న్స్‌ని ఆక‌ట్టుకుంటుంది. ఇక స్మిత్ కెరీర్ విష‌యానికి వ‌స్తే ఆయ‌న లెగ్ స్పిన్నర్‌గా జట్టులోకి వచ్చాడు. ఏడు, ఎనిమిది స్థానాల్లో బ్యాటింగ్‌కు వచ్చేవాడు. విఫలమవ్వడంతో జట్టులో చోటుకోల్పోయాడు. ఆ తర్వాత కొన్ని సూచనలతో బ్యాటర్‌గా తిరిగి జట్టులోకి వచ్చాడు. ‘స్టీవ్ స్మిత్ 2.0’ సూపర్ హిట్ అయ్యింది. వన్డేల్లో వన్‌డౌన్‌లో, టెస్టుల్లో నాలుగో స్థానంలో బరిలోకి దిగి పరుగులు వరద పారించాడు. ప్రస్తుత దిగ్గజ క్రికెటర్లలో ఒక్కడిగా నిలిచాడు.
