SS Rajamouli : లెజండరీ మ్యూజిక్ డైరెక్టర్ కీరవాణి కొడుకు శ్రీ సింహ కోడూరి ‘మత్తు వదలరా’ సినిమాతో హీరోగా ఎంట్రీ ఇచ్చిన విష‌యం తెలిసిందే. తొలి సినిమాతోనే మంచి గుర్తింపు తెచ్చుకున్న ఈ యువ హీరో అనంత‌రం..’తెల్లవారితే గురువారం’, ‘దొంగలున్నారు జాగ్రత్త’ లాంటి సినిమాలు చేశాడు. ఈ చిత్రాలు ప్రేక్షకులను అంతగా ఆకట్టుకోలేకపోయాయి. ఇక తాజాగా ఆయ‌న ఉస్తాద్ చిత్రంతో ప్రేక్ష‌కుల‌ని ప‌ల‌క‌రించ‌బోతున్నాడు. ఈ మూవీ ఆగ‌స్ట్ 12న ప్రేక్ష‌కుల ముందుకు రానుంది. ఫణిదీప్ దర్శకత్వం వహిస్తున్న ఈ సినిమాలో బలగం బ్యూటీ కావ్య కల్యాణ్ రామ్ హీరోయిన్ గా నటిస్తోంది. సాయి కొర్రపాటి, క్రిషీ ఎంటర్తైన్మెంట్స్ సంయుక్తంగా ఈ మూవీని నిర్మిస్తున్నారు. ఇప్పటికే రిలీజైన సాంగ్స్, టీజర్స్ ఆకట్టుకున్నాయి.
మూవీ రిలీజ్ కు మరో రెండు రోజుల మాత్రమే ఉండటంతో మేకర్స్ మూవీ ప్రమోషన్స్ షురూ చేశారు. ఇందులో భాగంగా హైదరాబాద్‌లోని జేఆర్‌సీ కన్వెన్షన్‌ సెంటర్‌లో ప్రీ రిలీజ్ ఈవెంట్‌ను నిర్వహించారు.. ఈ ఆడియో ఈవెంట్‌కు స్టార్ డైరెక్టర్ ఎస్‌ఎస్‌ రాజమౌళి ముఖ్య అతిథిగా హాజ‌ర‌య్యారు.ఇక చీఫ్‌ గెస్ట్‌గా న్యాచురల్ స్టార్ నాని సంద‌డి చేశారు. ఇక కార్య‌క్ర‌మంలో రాజమౌళి మాట్లాడుతూ.. అబ్బాయిలు ఫ‌స్ట్ ల‌వ్ మ‌ర‌చిపోతారేమో కాని, ఫ‌స్ట్ బైక్ మ‌రిచిపోర‌ని అన్నాడు. ఈ సినిమా ఫ‌స్ట్ లుక్ చూడ‌గానే నా పాత జ్ఞాపకాలు గుర్తొచ్చాయి. ఫణిదీప్ రాసుకున్న క‌థ బాగుంది, సంగీతం కూడా చాలా న‌చ్చింది. కారులో వెళుతున్న‌ప్పుడు ఈ సాంగ్స్ వింటుంటా.
9లేదా 10 కోట్ల‌తో సినిమా లేదు, 35 కోట్ల‌తో తీసిన సినిమాలా ఇది ఉంద‌ని అన్నారు రాజమౌళి. నేను , పెద్ద‌న్న క‌ష్ట‌ప‌డిపైకి ఎలా వ‌చ్చామో శ్రీసింహ కూడా అలానే పైకి రావాల‌ని అనుకుంటున్నాడు అని రాజమౌళి స్ప‌ష్టం చేశారు. ఈ మూవీలో రజనీ కొర్రపాటి, రాకేశ్‌ రెడ్డి గడ్డం, హిమంక్ రెడ్డి దువ్వూరు కీ రోల్స్ చేస్తున్నారు. ఈ చిత్రంలో డైరెక్టర్ కమ్‌ యాక్టర్ గౌతమ్‌ వాసు దేవ్‌ మీనన్‌ మరో కీలకపాత్రలో నటిస్తున్నారు. ఈ మూవీకి అకీరా బీ సంగీతం అందిస్తున్నారు. ఎయిర్‌ఫోర్స్‌ బ్యాక్‌ డ్రాప్‌ స్టోరీ నేపథ్యంలో సినిమా తెరకెక్కుతోంది.
