Srikanth Iyengar : ఏపీలో లభించే మద్యంపై ఇప్పటికే అనేక అపోహలు ప్రచారంలో ఉన్న విష‌యం తెలిసిందే. వైసిపి అధికారంలోకి వచ్చాక ముఖ్యమంత్రి వైఎస్ జగన్ మ‌ద్య‌పాన నిషేదం అమ‌లు చేస్తాన‌ని చెప్పి.. ప్ర‌మాదకరమైన మద్యం బ్రాండ్స్ అమ్మకాలకు అనుమతి ఇచ్చారంటూ ప‌లువురు ఆరోపిస్తుండ‌డం మ‌నం చూస్తూనే ఉన్నాం. తన స్వలాభం కోసం జగన్ ప్రజల ప్రాణాలతోనే చెలగాటం ఆడుతున్నాడని మండిపడుతున్నారు. మార్కెట్ లో బాగా సేల్ అయ్యే మద్యం బ్రాండ్స్ కాకుండా ఏపీలో కొత్త కొత్త పేర్లతో అమ్ముతుండటం పై ప‌లువురు సెటైర్స్ పేలుస్తున్నారు. ఈ క్ర‌మంలోనే ప్ర‌ముఖ సినీనటుడు శ్రీకాంత్ అయ్యంగార్ ఏపీ మద్యంపై సెటైరికల్ వీడియో సోషల్ మీడియాలో చక్కర్లు కొడుతోంది.
శ్రీకాంత్ అయ్యంగార్ తన వీడియోలో.. ఈరోజు బెజవాడలో ఉన్నా.. డిప్రెషన్లో ఉండి బీరు తెచ్చుకున్నా. ఇది మామూలు బీరు కాదు.. ఇంట్లో కూడా చెప్పలేదు.. తాగితే ఏమవుతుందో తెలీదు.. నన్ను గుర్తుపెట్టుకోండి’ అంటూ నటుడు శ్రీకాంత్ అయ్యర్ చేసిన కామెంట్స్ వైరల్ అవుతున్నాయి. సోషల్ మీడియాలో శ్రీకాంత్ వీడియో వైరల్ అవుతోంది. వీడియోలో నటుడు శ్రీకాంత్ అయ్యర్ బూమ్ బూమ్ బీర్‌ను చూపిస్తూ ఎద్దేవా చేశారు. కొద్ది రోజుల క్రితం కొరియోగ్రాఫర్ రాకేశ్ మాస్టర్ మరణించ‌గా, ఆయన మ‌ర‌ణానికి ఈ బీర్ కారణమంటూ ఆరోపణలు చేశారు టీడీపీ నేతలు. అయితే ఆయన రక్త విరేచనాలతో ఆసుపత్రిలో చేరి ప్రాణాలు కోల్పోయారని అంటున్నారు. అలాగే రాకేష్ మాస్టర్ బూమ్, బూమ్ బీర్ తాగిన వీడియోలను కూడా వైరల్ చేశారు. మళ్లీ ఇప్పుడు శ్రీకాంత్ అయ్యర్ బూమ్ బూమ్ బీరు తీసుకొచ్చి సెటైర్లు పేల్చడం హాట్ టాపిక్ అయ్యింది.
ఓ చేతితో సిగరెట్, మరో చేతిలో బూమ్ బూమ్ బీర్ బాటిల్ ను చూపిస్తూ యాక్టర్ శ్రీకాంత్ ఇప్పుడు సెటైర్లు వేసారు. మద్యపానం, దూమపానం ఆరోగ్యానికి హానికరం అంటూనే… ఏపీ మద్యం ఇంకెంతో హానికరం అనేలా శ్రీకాంత్ కామెంట్స్ చేసారు. ఆయన సరదాగానే వీడియో చేసినా దీన్ని ప్రతిపక్షాలు అస్త్రంగా వాడుకునే జగన్ సర్కార్ ను విమర్శించే అవకాశం వుంది. శ్రీకాంత్ అయ్యంగార్ .. వ‌ర్మ సినిమాల‌లో ఎక్కువ‌గా కనిపిస్తుంటారు.
