Srikanth : ఇటీవ‌ల సెల‌బ్రిటీల విడాకుల‌కి సంబంధించి త‌ర‌చు వార్తలు వ‌స్తుండ‌డం మ‌నం చూస్తూనే ఉన్నాం. ఏవో కార‌ణాల వ‌ల‌న కొన్ని జంట‌లు త‌మ వైవాహిక జీవితానికి బ్రేక‌ప్ చెప్పుకున్నారు. సమంత – నాగ చైతన్య జంట అనంతరం కోలీవుడ్ టాప్ హీరో ధనుష్, బాలీవుడ్ సూపర్ స్టార్ అమిర్ ఖాన్ ఇలా వరుసగా ఒకరి తర్వాత ఒకరు విడాకులు తీసుకుంటూ వచ్చారు. అయితే తాజాగా శ్రీకాంత్- ఊహా జంట విడాకులు తీసుకున్నారని, ఏదో ఒక కార‌ణం వ‌ల‌న వారి 25 ఏళ్ల వైవాహిక జీవితానికి బ్రేక‌ప్ పడింద‌ని ప్రచారం జ‌రుగుతుంది.
1997లో శ్రీకాంత్-ఊహ వివాహం చేసుకున్నారు. వీరి పెళ్ళికి పరిశ్రమకు చెందిన ప్రముఖులు హాజరయ్యారు. 25 ఏళ్లుగా శ్రీకాంత్-ఊహ కలిసి కాపురం చేస్తున్నారు. వీరికి ఇద్దరు అబ్బాయిలు, ఒక అమ్మాయి ఉన్నారు. పెద్ద కొడుకు రోషన్ ఇప్పటికే హీరోగా పరిశ్రమకు పరిచయమయ్యారు. నిర్మల కాన్వెంట్, పెళ్ళిసందD చిత్రాల్లో రోషన్ హీరోగా నటించాడు. కొన్నాళ్లుగా శ్రీకాంత్ తో ఊహకు విబేధాలు తలెత్తుతున్నాయ‌ని, ఆర్థికపరమైన ఇబ్బందులు వీరి మధ్య గొడవలకు కారణమయ్యాయని సమాచారం. మనస్పర్థలు తారాస్థాయికి చేరడంతో విడాకులు తీసుకొని విడిపోవాలని నిర్ణయం తీసుకున్నారని కూడా వార్తలు వ‌చ్చాయి.
ఈ విష‌యంపై ఒక ప్రముఖ ఛానల్ కి తెలియజేస్తూ.. శ్రీకాంత్, ఊహ స్పందించారు. మేమిద్దరం సినిమా షూటింగ్లో బిజీగా ఉన్నాము..మేమిద్దరం విడాకులు తీసుకుంటున్నామని కొంతమంది ప్రచారం చేశారు. అయితే ఈ వార్తలలో అసలు నిజం లేదని.. కేవలం అవన్నీ ఒట్టి పుకార్లేనని ఆ వార్తలను కొట్టి పారేశారు. దీంతో వీరి విడాకుల వ్యవహారం ఒక ఫేక్ వార్తలు అంటూ పుల్ స్టాప్ పెట్టినట్లుగా తెలుస్తోంది. దీంతో అటు శ్రీకాంత్ అభిమానులు సైతం కాస్త ఊపిరి పీల్చుకున్నారు. కెరీర్ పరంగా శ్రీకాంత్ ఒడిదుడుకులు ఎదుర్కొంటున్నారు. హీరోగా ఫేడ్ అవుటైన శ్రీకాంత్ విలన్ గా, క్యారెక్టర్ ఆర్టిస్ట్ గా నిలదొక్కుకోవాలని ప్రయత్నం చేస్తున్నారు. శ్రీకాంత్ విలన్ రోల్ చేసిన అఖండ మంచి విజయం సాధించింది.
