Sreemukhi : హీరో శివ కార్తికేయన్ కథానాయకుడిగా, మడోన్ అశ్విన్ దర్శకత్వంలో రూపొందిన ఫాంటసీ యాక్షన్ ఎంటర్ టైనర్’ మహావీరుడు. అదితి శంకర్ కథానాయికగా నటిస్తున్న ఈ చిత్రాన్ని శాంతి టాకీస్ పతాకంపై అరుణ్ విశ్వ నిర్మించ‌గా, ఏషియన్ సినిమాస్ ఈ చిత్రాన్ని తెలుగు రాష్ట్రాల్లో గ్రాండ్‌గా విడుదల చేస్తోంది. జూలై 14న మహావీరుడు విడుదల కానున్న నేపథ్యంలో హైదరాబాద్‌లో ప్రీరిలీజ్ ఈ వెంట్‌ని గ్రాండ్‌గా నిర్వహించారు. హీరో అడివి శేష్, స్టార్ డైరెక్టర్ శేఖర్ కమ్ముల, దర్శకుడు అనుదీప్ ఈ వేడుకకు ముఖ్య అతిథులుగా హాజరయ్యారు.
అనుదీప్ స్టేజ్ మీద‌కి వ‌చ్చాడంటే సంద‌డి ఎలా ఉంటుందో ప్ర‌త్యేకంగా చెప్ప‌న‌క్క‌ర్లేదు. చాలా అమాయ‌కంగా క‌నిపించే ఆయన ఏదో ఒక చిలిపి పని చేసి వెళ్తాడు. కాని ఈ సారి మాత్రం అనుదీప్ ఎవ్వారం చూసి శ్రీముఖినే అనుదీప్ బుగ్గ గిల్లింది. ఆయన చెప్పే మాట‌ల‌కి చాలా స్వీట్ అని పొగ‌డ్త‌లు కురిపిస్తూ శ్రీముఖి అత‌ని బుగ్గ గిల్లింది. ఇక ఈ కార్య‌క్ర‌మంలో అనుదీప్ మాట్లాడుతూ.. శివకార్తియేన్ గారు పెద్ద స్టార్ హీరో అయ్యుండి కూడా ఇంత సింపుల్ గా ఉండటం నాకు ఆశ్చర్యమనిపించింది. ఆయనకి వున్న స్టామినాకి మరిన్ని తెలుగు సినిమాలు చేయాలి.
దర్శకుడు అశ్విన్ మండేలా సినిమా చూసినప్పటి నుంచి నా స్నేహితుడు. నిర్మాత అరుణ్ ఎప్పటి నుంచో తెలుసు. ఈ సినిమా విజయం సాధించి వారిద్దరూ మరిన్ని తెలుగు సినిమాలు చేయాలి. సరిత గారిని చాలా రోజుల తర్వాత చూడటం ఆనందంగా వుంది. జులై 14న ఈ సినిమా అందరూ థియేటర్ లో చూడాలి అని కోరారు. ఇక దర్శకుడు మడోన్ అశ్విన్ మాట్లాడుతూ.. ‘శివకార్తికేయన్ గ్రేట్ పెర్ఫార్మర్. ఇందులో ఆయన అద్భుతమైన నటన, యాక్షన్ యాంగిల్ చూస్తారు. అదితి శంకర్ ఎనర్జిటిక్‌గా చేసింది. సునీల్ వలనే ఈ సినిమా ఇంత గ్రాండ్‌గా విడుదలవుతుంది’ అని చెప్పుకొచ్చారు.
